महाबळेश्वर : सहलीसाठी येथे आलेल्या पर्यटकांचे ओखळपत्र घेतल्याशिवाय कोणालाही हॉटेलमध्ये राहण्यासाठी परवाणगी देवू नये. असे स्पष्ट निर्देश मागील आठवडयात जिल्हा पोलिस अधिक्षक पंकज देशमुख यांनी सर्व हॉटेल लॉज चालकांना दिले होते. परंतू लिंगमळा धबधब्यावरून आत्महत्या करणारे प्रेमी युगल ज्या हॉटेलमध्ये उतरले होते तेथील हॉटेल व्यवसायिकांने हॉटेलमध्ये प्रवेश देताना केवळ पुरूषाचेच ओखळपत्र घेतले होते. त्यामुळे आत्महत्या केलेल्या महीलेची ओळख पटविण्यात पोलिसांना अडचणी आल्या होत्या, त्यामुळे पोलीस अधीक्षकांनी दिलेल्या आदेशाचा भंग केल्याप्रकरणी महाबळेश्वर पोलिसांनी हॉटेल चालकावर गुन्हा दाखल केला आहे.  

महाबळेश्वर हे जगप्रसिद्ध पर्यटनस्थळ असुन येथे मोठया प्रमाणावर पर्यटक सहलीसाठी येतात, यामध्ये गुन्हगारी प्रवृत्तीचे लोकही असतात. अशा लोकांची ओळख पटावी व त्यांना महाबळेश्वरसारख्या ठिकाणी लपून राहता येवु नये, याकरीता हॉटेलमध्ये खोली देण्यापुर्वी येथे आलेल्या प्रत्येकाचे ओळखपत्राची एक पत्र हॉटेलमध्ये घेण्यात यावी तसेच त्यांचा मोबाईल नंबर व त्यांच्या वाहनाचे नंबर अशी सर्व माहिती हॉटेल व्यावसायिकांनी जतन करून ठेवावी, असे आव्हान जिल्हा पोलीस प्रमुख पंकज देशमुख यांनी गेल्या आठवड्यात हॉटेल व्यावसायिकांच्या झालेल्या बैठकीत केले होते. काही बेकायदशीर हॉटेल व्यवसाय करणारे पर्यटकांची कोणतीच माहीती घेत नाहीत असे वारंवार निदर्शनास आले आहे. पर्यटकांसोबत लहान मुले असतील तरी त्यांचे ओळखपत्र घेतलेच पाहीजे असे स्पष्ट आदेश दिले होते. या बैठकीस आठ दिवसही उलटले नसताना, जिल्हा पोलिस प्रमुखांच्या आदेशाचे उल्लंघन केल्याचे उघडकीस आले आहे. लिंगमळा धबधब्यावरून आत्महत्या करणारे प्रेमीयुगल काही दिवसांपूर्वी छ. संभाजी महाराज वाहनतळा शेजारी असणाऱ्या हॉटेल रेसिडेन्सीमध्ये उतरले होते. हॉटेल व्यवसायिकाने दोघांपैकी केवळ पुरूषाचेच ओळखपत्र घेतले होते. तर महीलेचे ओळखपत्र घेतले नव्हते, त्यामुळे प्रेमी युगालापैकी महीलेची ओळख लवकर पटवण्यास पोलिसांना अडचणी आल्या होत्या. त्यामुळे पोलीस अधीक्षकांच्या आदेशाचे उल्लंघन केल्याप्रकरणी महाबळेश्वर पोलिसांनी हॉटेल मालक सलिम मोहंमद अमिनकाजी रा. बांद्रा मुंबई व हॉटेलचा व्यवस्थापक फईज अहमद इक्बाल बढाणे रा.रांजणवाडी ता. महाबळेश्वर यांच्या विरोधात गुन्हा दाखल केला आहे.