12:08pm | Mar 06, 2024 |
मुंबई : अतिशय चुरशीच्या अशा सेमी फायनल लढतीत तुल्यबळ मध्य प्रदेश संघाला ६२ धावांनी नमवत विदर्भ संघाने रणजी करंडक स्पर्धेच्या अंतिम फेरीत धडक मारली. नागपूरच्या सिव्हिल लाईन्स मैदानावर झालेल्या या मुकाबल्यात विदर्भला पाचव्या आणि अंतिम दिवशी पाच विकेट्सची तर मध्य प्रदेशला ९३ धावांची आवश्यकता होती. पण विदर्भच्या गोलंदाजांनी भेदक मारा करत अवघ्या तासाभरात मध्य प्रदेशचा डाव गुंडाळला आणि दिमाखदार विजय साकारला.
१० तारखेपासून मुंबईतल्या वानखेडे मैदानावर होणार असलेल्या अंतिम लढतीत विदर्भसमोर बलाढ्य मुंबईचं आव्हान असणार आहे. मुंबईने सेमी फायनलच्या लढतीत तामिळनाडूवर डावाच्या फरकाने दणदणीत विजय मिळवला होता. यानिमित्ताने रणजी करंडक महाराष्ट्रातच राहण्याचा योग जुळून आला आहे. मुंबईच्या नावावर तब्बल ४१ तर विदर्भच्या नावावर २ जेतेपदं आहेत.
विदर्भने नाणेफेक जिंकून प्रथम फलंदाजीचा निर्णय घेतला. आव्हानात्मक खेळपट्टीवर विदर्भला १७० धावांचीच मजल मारता आली. विदर्भकडून करुण नायरने ६३ धावांची महत्त्वपूर्ण खेळी केली. सलामीवीर अथर्व तायडेने ३९ धावा करत त्याला चांगली साथ दिली. मध्य प्रदेशकडून अवेश खानने ४ विकेट्स पटकावल्या. प्रत्युत्तरादाखल खेळताना मध्य प्रदेशने हिमांशू मंत्रीच्या दमदार शतकाच्या बळावर २५२ धावा केल्या. हिमांशूने एकखांबी नांगर टाकून १३ चौकार आणि एका षटकारासह १२६ धावांची मॅरेथॉन खेळी साकारली. हिमांशूला बाकी फलंदाजांकडून साथ मिळाली नाही. विदर्भतर्फे उमेश यादव आणि यश ठाकूर यांनी प्रत्येकी ३ विकेट्स घेतल्या. मध्य प्रदेशला ८२ धावांची आघाडी मिळाली.
पहिल्या डावात भंबेरी उडालेल्या विदर्भने दुसऱ्या डावात मात्र ४०२ धावांचा डोंगर उभारला. सहाव्या क्रमांकावर खेळणाऱ्या यश राठोडने १८ चौकार आणि २ षटकारांसह १४१ धावांची दमदार खेळी साकारली. कर्णधार अक्षय वाडकरने ७७ तर अमन मोखाडेने ५९ धावा करत त्याला चांगली साथ दिली. यश-अक्षय यांनी सहाव्या विकेटसाठी १५८ धावांची भागीदारी केली. मध्य प्रदेशकडून अनुभव अगरवालने ५ विकेट्स घेतल्या. दुसऱ्या डावात मोठी धावसंख्या रचत विदर्भने मध्य प्रदेशसमोर ३२१ धावांचं लक्ष्य ठेवलं.
मध्य प्रदेशने हिमांशू मंत्रीला झटपट गमावलं. पण यानंतर यश दुबे आणि हर्ष गवळी यांनी दुसऱ्या विकेटसाठी १०६ धावांची भागीदारी करत मध्य प्रदेशच्या आशा पल्लवित केल्या. यश ठाकूरने हर्षला बाद करत ही जोडी फोडली. हर्षने ११ चौकारांसह ६७ धावांची खेळी केली. हर्षला बाद केल्यानंतर यशने एका बाजूने बराच काळ किल्ला लढवला पण विदर्भने दुसऱ्या बाजूने सातत्याने विकेट्स घेत मध्य प्रदेशच्या डावाला खिंडार पाडले. कर्णधार शुभम शर्मा, भारताचं प्रतिनिधित्व केलेला वेंकटेश अय्यर यांच्याकडून मध्य प्रदेशला अपेक्षा होत्या पण ते मोठी खेळी करू शकले नाहीत. चौथ्या दिवसअखेर मध्य प्रदेशने सहा विकेट्स गमावल्या होत्या. पाचव्या आणि अंतिम दिवशी विदर्भच्या गोलंदाजांनी जराही वेळ न दवडता उर्वरित विकेट्स पटकावत विजयावर शिक्कामोर्तब केलं.
खासदार उदयनराजे भोसले यांचा मेंढोशी येथील मेळाव्यात विरोधकांना खोचक सल्ला |
घाणबी विभागात मोबाईल टॉवर उभारणार! |
पेठशिवापूर येथे निधी कमी पडू देणार नाही : उदयनराजे भोसले |
बेकायदा दारु विक्री प्रकरणी एकावर कारवाई |
संशयास्पद वस्तू जवळ बाळगल्याप्रकरणी एकावर गुन्हा |
मधमाशांच्या हल्ल्यात एकाचा मृत्यू |
एलसीबीच्या कोंबिंग ऑपरेशन मध्ये सातार्यात दोन पिस्टल जप्त |
जिल्ह्यातील दोन पोलीस अधिकार्यांसह 11 जणांना महासंचालक सन्मानचिन्ह |
सातारा जिल्ह्यात तब्बल पन्नास हजार नवमतदार |
स्व. यशवंतराव चव्हाण यांना भारतरत्न देण्याची मागणी पंतप्रधान मोदींकडे करणार |
कराड तालुक्याच्या विकासासाठी एकत्र प्रयत्न करूया: खा. उदयनराजे भोसले |
खोऱ्याने मते घेणाऱ्या नेत्यांनी केले पाटण खोऱ्याकडे दुर्लक्ष |
सातारा जिल्ह्यातील दोन पोलिस अधिकाऱ्यांसह ११ जणांना महासंचालक सन्मानचिन्ह जाहीर |
सांगलीच्या सिंचनासाठी मागणी झाली कमी |
पोटात चाकू भोसकून एकाला जिवे मारण्याचा प्रयत्न |
मधमाशांच्या हल्ल्यात एकाचा मृत्यू |
एलसीबीच्या कोंबिंग ऑपरेशन मध्ये सातार्यात दोन पिस्टल जप्त |
जिल्ह्यातील दोन पोलीस अधिकार्यांसह 11 जणांना महासंचालक सन्मानचिन्ह |
सातारा जिल्ह्यात तब्बल पन्नास हजार नवमतदार |
स्व. यशवंतराव चव्हाण यांना भारतरत्न देण्याची मागणी पंतप्रधान मोदींकडे करणार |
कराड तालुक्याच्या विकासासाठी एकत्र प्रयत्न करूया: खा. उदयनराजे भोसले |
खोऱ्याने मते घेणाऱ्या नेत्यांनी केले पाटण खोऱ्याकडे दुर्लक्ष |
सातारा जिल्ह्यातील दोन पोलिस अधिकाऱ्यांसह ११ जणांना महासंचालक सन्मानचिन्ह जाहीर |
सांगलीच्या सिंचनासाठी मागणी झाली कमी |
पोटात चाकू भोसकून एकाला जिवे मारण्याचा प्रयत्न |
ठोसेघर येथे एकाचा डोक्यात दगड घालून निर्घृण खून |
उंच भरारी योजनेचे ब्रँन्ड ऍम्बेसिडर म्हणून मोनिका राठी तसेच सौरभ भोसले यांची निवड |
केट्स पॉईंट वरुन आत्महत्त्या केलेल्याचा मृतदेह दरीबाहेर काढण्यात यश |
शेंद्रे येथील तिहेरी अपघात प्रकरणी तिघांवर गुन्हा |
सुमारे अडीच लाखांच्या बांधकाम साहित्याची चोरी |