दहिवडी : माण पंचायत समितीच्या विविध खात्यांमध्ये अधिकारी वर्गांचा रिक्त पदाने बट्ट्याबोळ झाला आहे. तालुक्यावर निसर्गाने दुष्काळी शिक्का ठोकला असला तरी शासनाने अघोषित असा अधिकाऱ्यांचा दुष्काळ असा शिक्का मारल्याचे चित्र पाहायला मिळत आहे.
माण पंचायत समितीच्या शिक्षण, पशुसंवर्धन, महिला बाल विकास प्रकल्प या विभागात कारभारीच नाहीत मग त्यांचा गाडा कसा चालायचा हा संशोधनाचा विषय झाला आहे.
शिक्षण विभागाचे गटशिक्षणाधिकारी पद गेल्या चार वर्षांपासून रिक्त आहे. सध्या या पदाचा अतिरिक्त कारभार शिक्षण विस्तार अधिकारी सोनाली विभूते या सांभाळत आहेत. त्यांच्याकडे मलवडी चे विस्तार अधिकारी पद आहे. माण तालुक्यातील शिक्षण विभागाला कारभारी तर नाहीच पण दहिवडी सोडले तर इतर शाळांवर मुख्याध्यापक सुद्धा नाहीत अशी शिक्षण विभागाची फरपट सुरू आहे.
दुष्काळी माण तालुक्याला सरस्वतीचा वरदहस्त असल्याने राज्याबरोबरच देशाच्या कानाकोपऱ्यात शिक्षणाच्या जोरावर अधिकारी वर्ग मोठ्या पदावर असलेले पाहायला मिळत आहेत. मात्र शिक्षण विभागात गटशिक्षणाधिकारी पद गेल्या चार वर्षांपासून रिक्त आहे. विस्तार अधिकारी यांची पाच पदे मंजूर असताना दोनच पदावर अधिकारी कार्यरत आहेत त्यातील एक जण अतिरिक्त पदभार सांभाळत आहेत. केंद्रप्रमुखांची 19 पदे मंजूर आहेत त्यापैकी 6 जण कार्यरत असताना 1 जण सेवनिवृत्तीच्या मार्गावर आहेत. जिल्हापरिषदेच्या 269 प्राथमिक शाळा सुरू आहेत, त्या शाळांना 26 मुख्याध्यापक पदे मंजूर असली तरी दहिवडी वगळता 25 शाळांना मुख्याध्यापक नाहीत.
महिला व बाल विकास प्रकल्प अधिकारी यांचेही पद रिक्त आहे याही खात्याचा कारभार अधिकार्याविना सुरू आहे. माण पंचायत समितीच्या पशुसंवर्धन तालुका पशुवैद्यकीय अधिकारी पदासह श्रेणी 1ची सहा पदे रिक्त असून त्यापैकी दोन पदावर अधिकारी कार्यरत असले तरी त्यातील एक जण घरगुती अडचणीने रजेवर गेले आहेत. दहिवडी, मोही, म्हसवड या मुख्य ठिकाणी श्रेणी 1 दर्जाचे अधिकारी पदावर नाहीत, तर श्रेणी 2 चे मार्डी येथील सहाय्यक पशुधन विकास अधिकारी पद रिक्त आहे.
माण पंचायत समितीच्या अनेक विभागात अशीच परिस्थिती पाहायला मिळत आहे. तत्कालीन पशुसंवर्धन दुग्ध,मत्स्य व्यवसाय मंत्री महादेव जानकर यांनी रिक्त पदे भरण्याचे आश्वासन दिले होते. सत्ता असताना त्यांना जमले नाही त्यांचे केवळ आश्वासनच राहिले आहे. आताचे या विभागाचे नवीन येणारे मंत्री कोणती ठोस भूमिका घेणार याकडे लक्ष लागले आहे. तालुक्यात मोठ्या प्रमाणात पशुधन आहे, त्यामानाने पशुधनाच्या आरोग्य नियंत्रणासाठी पशुसंवर्धन विभागाची यंत्रणा तोकडी पडत आहे .
रिक्त पदे भरण्यासाठी शासनाकडे पत्रव्यवहार
माण पंचायत समितीमध्ये अधिकाऱ्यांची अनेक पदे रिक्त झाली आहेत, ती भरण्यासाठी शासनाकडे वेळोवेळी पत्रव्यवहार केलेला आहे. त्यासंदर्भात माण पंचायत समितीच्या मासिक बैठकीत ठराव करण्यात आला आहे. रिक्त पदे भरण्याची आवश्यकता आहे, ही पदे शासनाने तातडीने भरावीत.
रमेश पाटोळे- सभापती माण पंचायत समिती, दहिवडी.
आयशर टेम्पो आडवा आल्याने पोलिसांच्या गाडीला अपघात |
महाराष्ट्र राज्य ग्रामीण जीवनोन्नती अभियान अर्थात 'उमेद' ने करून दाखवले |
पत्नीला मारहाण केल्याप्रकरणी पतीवर गुन्हा |
शाहूपुरीत सुमारे दीड लाखांची घरफोडी |
खंडणी मागितल्या प्रकरणी तिघांवर गुन्हा |
सातारा जिल्ह्यामध्ये 63.07 टक्के मतदान |
उदयनराजे भोसले यांचे सात वाजून सात मिनिटांनी मतदान |
मोठ्या मतांनी शाहू छत्रपती यांचा विजय होईल |
पाण्याच्या टाकीची भिंत अंगावर पडून महिला जागीच ठार |
मृत्यूस कारणीभूत ठरल्या प्रकरणी अज्ञात पिकअप चालकावर गुन्हा |
अस्तित्व लपवल्या प्रकरणी दोघांवर गुन्हा |
अल्पवयीन मुलीचे अपहरण |
एकाच्या मृत्यूस कारणीभूत ठरल्याप्रकरणी कारचालकावर गुन्हा |
मतदारांनो, निर्भयपणे मतदान करुन आपला हक्क बजावा |
कोरेगाव तालुक्यातील नऊ गावांचा मतदानावर बहिष्काराचा इशारा |
सातारा जिल्ह्यामध्ये 63.07 टक्के मतदान |
उदयनराजे भोसले यांचे सात वाजून सात मिनिटांनी मतदान |
मोठ्या मतांनी शाहू छत्रपती यांचा विजय होईल |
पाण्याच्या टाकीची भिंत अंगावर पडून महिला जागीच ठार |
मृत्यूस कारणीभूत ठरल्या प्रकरणी अज्ञात पिकअप चालकावर गुन्हा |
अस्तित्व लपवल्या प्रकरणी दोघांवर गुन्हा |
अल्पवयीन मुलीचे अपहरण |
एकाच्या मृत्यूस कारणीभूत ठरल्याप्रकरणी कारचालकावर गुन्हा |
मतदारांनो, निर्भयपणे मतदान करुन आपला हक्क बजावा |
कोरेगाव तालुक्यातील नऊ गावांचा मतदानावर बहिष्काराचा इशारा |
जिल्ह्यात 2315 मतदान केंद्रावर उद्या लोकशाहीचा उत्सव |
पोलिसांनी केला चोवीस तासांत घरफोडीचा गुन्हा उघड |
जिल्हा परिषदेच्या २००० अधिकारी कर्मचारी पथकांकडून १ लाख कुटुंबांना भेटून मतदान जनजागृती |
मतदानापूर्वी 72 तासात बँकानी 10 लाखाच्यावरील व्यवहार रोखीने करु नयेत : कुमार उदय, खर्च निवडणूक निरीक्षक |
अवैधरित्या दारु विक्री प्रकरणी एकावर कारवाई |