सातारा : वारणानगर (लांडगेवाडी, ता. सातारा) येथे खोडद फाटा ते नांदगाव मार्गावर चारचाकी गाडी (एमएच ५० ए ५४४६) रस्त्याकडील चरीत जावून पलटी झाली होती. यात कारचालकाचा मृत्यू झाला.
दि. १६ एप्रिल रोजी घटना घडली होती. बोरगाव पोलीस ठाण्यात  या घटनेची नोंद झाली आहे. पोलीस प्रवीण प्रतापराव शिंदे यांनी फिर्याद दिली आहे. या घटनेत चारचाकीचालक सिध्देश आनंदराव सावंत (वय ३५, रा. वेणेगाव, ता. सातारा) याचा मृत्यू झाला, तर कारमधील निखील सावंत, सुरज सावंत, विशाल देशमुख हे किरकोळ जखमी झाले होते. पोलीस हवालदार इंगुळकर तपास करत आहेत.