10:02pm | May 15, 2020 |
कोरेगाव : जांब बुद्रुक, ता. कोरेगाव येथे एका इमारतीच्या बांधकामावर काम करत असलेल्या मुकादमाने पैसे न दिल्याने चिडून जाऊन दोन मजुरांनी त्याच्या छातीवर आणि डोक्यात दगड घालून खून केल्याची घटना गुरुवारी रात्री घडली. जळगाव येथे माळ नावाच्या शिवारात ही घटना घडली असून, खून झालेल्या मुकादमाचे नाव राजू पवार, रा. अमरावती असे आहे तर खून करणार्या मजुरांची नावे नागेश रामचंद्र बंजत्री, रा. चिंचोळी, ता. मुद्दे बिहाळ, जि. विजापूर (कर्नाटक) व किरण बाबुराव पाटील, रा. उजळाईवाडी, ता. करवीर, जि. कोल्हापूर अशी आहेत. दोन्ही आरोपींना अटक करण्यात आली असून, कोरेगाव पोलीस ठाण्यात खुनाचा गुन्हा नोंद करण्यात आला आहे.
याप्रकरणी पोलीस ठाण्यातून आणि प्रत्यक्ष घटनास्थळावरुन मिळालेली अधिक माहिती अशी, की राजू पवार हा बांधकामावरील मुकादम असून, त्याच्या हाताखाली नागेश व किरण हे दोघे काम करतात. हे सर्वजण भीमनगर, ता. कोरेगाव येथे भाड्याने खोली घेऊन वास्तव्यास आहेत. जांब बुद्रुक येथे सुरु असलेल्या एका इमारतीच्या कामावर तिघे जण काम करत होते. गुरुवारी त्यांच्यामध्ये पैशांवरुन वादावादी सुरु होती. काम संपल्यानंतर तिघे जण जांब बुद्रुक ते जळगाव या डांबरी रस्त्याने पायी चालले होते. रस्त्यात पुन्हा पैशांवरुन वाद झाला. त्याचवेळी नागेश व किरण याने रस्त्यावर वाद नको, बाजूला जाऊ म्हणत राजू याला लगतच्या शेतातील ओघळीकडे नेले. तेथे भांडणे झाल्यानंतर दोघांनी राजू याला खाली पाडले. नागेश याने रागाच्या भरात तेथे पडलेला सुमारे २५ ते ३० किलो वजनाचा मोठा दगड घेतला आणि राजूच्या छातीवर मारला, त्यात तो गतप्राण झाला. त्यानंतर किरण याने तोच दगड घेतला आणि राजूच्या तोंडावर आणि डोक्यात मारला. त्यात त्याचा मृत्यु झाला.
दोघांनी राजू पवार याचा मृतदेह तेथेच टाकला आणि जांब बुद्रुक गावच्या दिशेने निघून गेले. रात्रभर ते एका ऊसाच्या शेतात लपून बसले होते. जळगाव येथील शेतकरी सकाळच्या सुमारास शेताकडे आल्यानंतर त्यांना रस्त्याकडेच्या ओघळीत डोक्यात दगड घातलेल्या एका व्यक्तीचा मृतदेह आढळून आला. त्यांनी जळगावच्या पोलीस पाटील विश्वनाथ काशिनाथ पवार यांना माहिती दिल्यानंतर कोरेगावचे पोलीस निरीक्षक सुनील गोडसे व सातारारोड पोलीस दूरक्षेत्रचे सपोनि संतोष साळुंखे हे फौजफाट्यासह दाखल झाले. त्यांनी मृतदेहाची पाहणी केल्यानंतर पंचनामा करण्यात आला. घटनास्थळी अपर पोलीस अधीक्षक धीरज पाटील व वडूजचे पोलीस उपअधीक्षक बी. बी. महामुनी यांनी भेट दिली.
जळगावमध्ये खून झाल्याची माहिती पसरताच जळगावसह जांब बुद्रुक येथील ग्रामस्थ व शेतकर्यांनी घटनास्थळी गर्दी केली होती. त्यातील काही जणांनी जांब बुद्रुक येथील एका ठेकेदाराकडे तिघे जण काम करत असल्याचे व खून झालेल्या व्यक्तीचे नाव राजू पवार असल्याचे पोलिसांना सांगितले. त्यानंतर पोलिसांनी नागेश रामचंद्र बंजत्री, रा. चिंचोळी, ता. मुद्दे बिहाळ, जि. विजापूर (कर्नाटक) व किरण बाबुराव पाटील, रा. उजळाईवाडी, ता. करवीर, जि. कोल्हापूर यांना जांब बुद्रुक येथून अटक केली. याप्रकरणी जळगावचे पोलीस पाटील विश्वनाथ पवार यांनी तक्रार दिली असून, कोरेगाव पोलीस ठाण्यात खुनाचा गुन्हा दाखल करण्यात आला आहे. सपोनि संतोष साळुंखे तपास करत आहेत.
ठोसेघर येथे एकाचा डोक्यात दगड घालून निर्घृण खून |
उंच भरारी योजनेचे ब्रँन्ड ऍम्बेसिडर म्हणून मोनिका राठी तसेच सौरभ भोसले यांची निवड |
केट्स पॉईंट वरुन आत्महत्त्या केलेल्याचा मृतदेह दरीबाहेर काढण्यात यश |
शेंद्रे येथील तिहेरी अपघात प्रकरणी तिघांवर गुन्हा |
सुमारे अडीच लाखांच्या बांधकाम साहित्याची चोरी |
एकास मारहाण केल्याप्रकरणी पाच जणांवर गुन्हा |
सातार्यातून युवक बेपत्ता |
नागठाण्यात युवकाची आत्महत्या |
उदयनराजे यांना मतदान करून गादीचा सन्मान ठेवा |
जपानचे स्लिम लँडर तिसऱ्यांदा जागृत |
कोल्हापुरातील अंबाबाईच्या रथोत्सव |
छत्रपतींच्या वंशजांना जावळीचा स्वाभिमान सांगू नका |
माझ्याकडे विरोधकांच्या अनेक भानगडी |
महाभकास आघाडीला निवडणुकीत जागा दाखवा |
साताऱ्यात मेघगर्जनेसह बरसल्या पावसाच्या सरी |
एकास मारहाण केल्याप्रकरणी पाच जणांवर गुन्हा |
सातार्यातून युवक बेपत्ता |
नागठाण्यात युवकाची आत्महत्या |
उदयनराजे यांना मतदान करून गादीचा सन्मान ठेवा |
जपानचे स्लिम लँडर तिसऱ्यांदा जागृत |
कोल्हापुरातील अंबाबाईच्या रथोत्सव |
छत्रपतींच्या वंशजांना जावळीचा स्वाभिमान सांगू नका |
माझ्याकडे विरोधकांच्या अनेक भानगडी |
महाभकास आघाडीला निवडणुकीत जागा दाखवा |
साताऱ्यात मेघगर्जनेसह बरसल्या पावसाच्या सरी |
जनता बँकेत पुर्नगठीत बोर्ड ऑफ मॅनेजमेंटच्या चेअरमनपदी विनोद कुलकर्णी |
बोंडारवाडीसह धरणांची कामे मार्गी लावणार उदयनराजेंचे आश्वासन |
दलित महासंघ,पॅंथरचा उदयनराजेंना जाहीर पाठींबा |
सातारकरांना बाहेरच्यांनी स्वाभिमान शिकवू नये |
साताऱ्यात कोट्यावधीची कामे हीच आपली जमेची बाजू |