सातारा : रेल्वे मध्ये नोकरी लावतो व लगेज चे कॉन्ट्रॅक्ट मिळून देतो, असे सांगून युवकाला तब्बल पाच लाख रुपयाचा गंडा घातल्याचे प्रकरण समोर आले आहे. याप्रकरणी कृष्णा चंद्रकांत शिंदे वय 41 व्यवसाय पिंपरी कॉन्ट्रॅक्टर राहणार देसाई पेट्रोल पंप शेजारी कोरेगाव यांनी कोरेगाव पोलीस स्टेशनमध्ये फिर्याद दिली आहे.
रमण सोमविर कुमार वय 39, व्यवसाय नोकरी, राहणार रेल्वे क्वार्टर, गेट ऑफिसर कॉलनी मिंट रोड दिल्ली यांच्या विरोधात गुन्हा दाखल करण्यात आला आहे. फिर्यादीच्या तक्रारीनुसार कृष्णा शिंदे व रमण कुमार यांची काही निमित्ताने ओळख झाली होती. त्यावेळी गुन्हा दाखल झालेल्या संशयिताने शिंदे यांना रेल्वेत नोकरी लावतो व लगेज चे कॉन्ट्रॅक्ट मिळून देतो, असे सांगून त्यांच्याकडून रोख चार लाख रुपये व एनईएफटी द्वारे एक लाख रुपये व गुगल पे द्वारे 50 हजार असे 5 लाख 50 हजार रुपये घेतले व रेल्वेचे कोणतेही कॉन्ट्रॅक्ट न देता व नोकरीस न लावता त्यांची फसवणूक केली. फसवणुक झाल्याचे लक्षात आल्यानंतर शिंदे यांनी कोरेगाव पोलीस स्टेशनमध्ये फिर्याद दाखल केली आहे. पोलीस उपनिरीक्षक राऊत अधिक तपास करत आहेत.