सातारा : पाणी पिण्याचा बहाणा करून घरात घुसून एका महिलेवर शारीरिक अत्याचार केल्याप्रकरणी आनंदा शामराव साळुंखे (वय 32, रा.रूवले, ता.पाटण) याला न्यायालयाने 10 वर्षे कारावास आणि 50 हजार रूपये दंड, 452 कलमानुसार 5 वर्षे व 500 रूपये दंड अशी शिक्षा ठोठावली.

आनंदा साळुंखे हा पिडीत महिलेच्या घरात पाणी पिण्याचा बहाणा करून घुसला होता. घरात कोणी नसल्याचे पाहून तिच्यावर अत्याचार केल्याची तक्रार ढेवेवाडी पोलिस ठाण्यात दाखल झाली होती. तत्कालीन पोलिस उपनिरीक्षक चौगुले यांनी या घटनेचा तपास करून कराड (ता.कराड) येथील अतिरिक्त सत्र न्यायालयात दोषारोपपत्र सादर केले होते. अतिरिक्त सत्र न्यायाधीश यांनी या गुन्ह्यातील साक्षीदारांची पडताळणी करून पुराव्यांच्या आधारे आनंदा साळुंखे याला 376 कलमान्वये 10 वर्षे कारावास व 50 हजार रूपये दंड, कलम 452 अन्वये 5 वर्षे कारावास व 500 रूपये दंड अशा शिक्षा ठोठावल्या. 
या खटल्याकामी सरकारी अभिवक्ता म्हणून आर.सी.शहा यांनी काम पाहिले. त्यांना महिला पोलिस कॉन्स्टेबल श्रीमती पवार, पोलिस कॉन्स्टेबल कार्वेकर यांनी मदत केली.