06:12pm | Feb 12, 2022 |
पाटण : सह्याद्री व्याघ्र प्रकल्पाअंतर्गत चांदोली राष्ट्रीय उद्यानातील कोअर झोनमधील व रत्नागिरी, सातारा आणि सांगली या तीन जिल्ह्याच्या सीमेवर दुर्गम ठिकाणी वसलेल्या मौजे मळे, कोळणे व पाथरपुंज या गावांच्या 36 वर्षापासून रखडलेल्या पुर्नवसनाच्या कामाला अखेर गती मिळाली आहे.
पाटणचे प्रांताधिकारी सुनील गाढे, तहसीलदार रमेश पाटील, हेळवाक वन्यजीवचे वनक्षेत्रपाल झोपाळे, मंडल अधिकारी जगंम व जांगडे, तलाठी, ग्रामसेवक व पंचायत समिती अशा तिन्ही विभागातील अधिकारी, कर्मचाऱ्यांनी गावातच दोन दिवस मुक्काम ठोकत संकलन यादीतील त्रुटी दुरूस्तीचे काम पूर्ण केले. तसेच अन्य समस्याही जाणून घेतल्या. त्यामुळे या गावातील ग्रामस्थांमधून समाधान व्यक्त केले जात आहे.
दरम्यान, तिन्ही गावातील लोकांच्या मागणीचा विचार करून गेल्या अनेक वर्षापासून येथील नागरीकांचे प्रलंबित असणारे प्रश्न सोडविण्यासाठीच आम्ही येथे आलो आहे. २००८ च्या कटऑफ डेटच्या अनुषंगाने कायद्याच्या चौकटीत राहूनच गेल्या दोन दिवसात तिन्ही गावातील संकलन यादीतील त्रृटी दूर केल्या आहेत. याचा अहवाल लवकरच जिल्हाधिकाऱ्यांकडे पाठवू. आमच्या पध्दतीने जे काही करता येईल, तेवढी मदत आम्ही करू, असे प्रांताधिकारी सुनील गाढे यांनी तिन्ही गावातील ग्रामस्थांना आश्वासित केले.
मळे, कोळणे व पाथरपुंज या तिन्ही गावांच्या पुर्नवसनाचा प्रश्न १९८५ सालापासून शासन दरबारी लोंबकळत पडला आहे. ५ जानेवारी २०१० ला सह्याद्री व्याघ्र प्रकल्पाची घोषणा झाली. चांदोली राष्ट्रीय उद्यान घोषित केले. वारणेच्या पाणलोट क्षेत्रात ही गावे येतात. १९९३ साली या तिन्ही गावांचा समावेश चांदोली अभयारण्यात झाल्याचे स्थानिकांना समजले. त्यानंतर २००६ साली गाभा क्षेत्रात ही गावे समाविष्ट झाली.
तिन्ही गावच्या पुनर्वसनाचा लढा १९९३ पासून प्रशासनासोबत सुरू आहे. पुर्नवसनाच्या भिजत घोंगड्यावर प्रत्येक जून महिन्यात वनविभागाच्या अधिकाऱ्यांना जाग येते व वनविभागाकडून जागा दाखवणे, कागदपत्रे मागणी केली जाते. दिवाळीनंतर पुन्हा प्रकल्पग्रस्तांच्याकडे दुर्लक्ष केले जाते. त्यामुळे संतप्त झालेल्या तिन्ही गावातील नागरीकांनी ११ जानेवारी रोजी असहकार आंदोलन करून कोळणे येथील वनविभागाच्या संरक्षण कुटीसह गेट बंद करून शासनाच्या दिरंगाईचा निषेध व्यक्त केला होता. यावेळी महसूल विभागाच्या मध्यवस्तीने व वन्यजीव अधिकाऱ्यांनी आंदोलनस्थळी भेट देवून बारा मागण्यांसंदर्भात लेखी स्वरूपात दिल्याने आंदोलन मागे घेण्यात आले होते.
२७ व २८ जानेवारी रोजी पाटणचे प्रांताधिकारी सुनिल गाढे, तहसीलदार रमेश पाटील, हेळवाक वन्यजीवचे वनक्षेत्रपाल झोपाळे, मंडल अधिकारी जगंम, जांगडे, तलाठी, ग्रामसेवक आदी. महसूल, वन व पंचायत समिती विभागातील अधिकारी, कर्मचाऱ्यांच्या उपस्थितीत दोन दिवस मुक्काम ठोकत मळे, कोळणे व पाथरपुंज याठिकाणी शिबीर आयोजित करण्यात आले होते. यावेळी संबंधित अधिकाऱ्यांनी ग्रामस्थांच्या अडीअडचणी, समस्या जाणून घेतल्या.
यामध्ये मळे येथील १४०, कोळणे येथील ७९ व पाथरपुंज येथील १०६ याप्रमाणे बाधित खातेदारांच्या संकलन यादी दुरूस्तीचे काम करण्यात आले. त्यामुळे तिन्ही गावातील ग्रामस्थांमधून समाधान व्यक्त केले जात आहे. यावेळी पोलीस पाटील साळुंखे, तलाठी आर. एस. टिपुगडे, तलाठी निलेश भाग्यवंत, कोतवाल अरूण चाळके, जग्ननाथ सपकाळ, ग्रामसेवक सूर्यवंशी, माजी ग्रामसेवक पवार, ग्रामसेवक, यादव, पाटील यांच्यासह मळे, कोळणे व पाथरपुंज पुर्नवसन कृती समितीचे मार्गदर्शक दीपक कांबळे, भरत चाळके, समन्वयक संजय कांबळे, संजय पवार आदींसह तिन्ही गावातील बाधित खातेदार मोठ्यासंख्येने उपस्थित होते.
प्रकल्पग्रस्त जनता अधिकाऱ्यिंचे ऋणी
आमच्या समस्या जाणून घेण्यासाठी लोकांच्या मागणीवरून अधिकाऱ्यांनी आमच्या गावात दोन दिवस मुक्काम केला, ही मोठी गोष्ट आहे. सर्व वृत्तपत्रांनी पुर्नवसनाच्या मागणीचा विषय प्रभावीपणे मांडला. याचाच परिपाक शासन दरबारी हा विषय पुर्नवसन विभागापर्यंत पोहोचला आहे. त्यामुळेच येथील लोक कसे जीवन जगतात ते शासनाला कळाले. मळे, कोळणे व पाथरपुंज या तिन्ही गावातील जनता आपली ऋणी आहे.
- संजय पवार (प्रकल्पग्रस्त)
आयशर टेम्पो आडवा आल्याने पोलिसांच्या गाडीला अपघात |
महाराष्ट्र राज्य ग्रामीण जीवनोन्नती अभियान अर्थात 'उमेद' ने करून दाखवले |
पत्नीला मारहाण केल्याप्रकरणी पतीवर गुन्हा |
शाहूपुरीत सुमारे दीड लाखांची घरफोडी |
खंडणी मागितल्या प्रकरणी तिघांवर गुन्हा |
सातारा जिल्ह्यामध्ये 63.07 टक्के मतदान |
उदयनराजे भोसले यांचे सात वाजून सात मिनिटांनी मतदान |
मोठ्या मतांनी शाहू छत्रपती यांचा विजय होईल |
पाण्याच्या टाकीची भिंत अंगावर पडून महिला जागीच ठार |
मृत्यूस कारणीभूत ठरल्या प्रकरणी अज्ञात पिकअप चालकावर गुन्हा |
अस्तित्व लपवल्या प्रकरणी दोघांवर गुन्हा |
अल्पवयीन मुलीचे अपहरण |
एकाच्या मृत्यूस कारणीभूत ठरल्याप्रकरणी कारचालकावर गुन्हा |
मतदारांनो, निर्भयपणे मतदान करुन आपला हक्क बजावा |
कोरेगाव तालुक्यातील नऊ गावांचा मतदानावर बहिष्काराचा इशारा |
सातारा जिल्ह्यामध्ये 63.07 टक्के मतदान |
उदयनराजे भोसले यांचे सात वाजून सात मिनिटांनी मतदान |
मोठ्या मतांनी शाहू छत्रपती यांचा विजय होईल |
पाण्याच्या टाकीची भिंत अंगावर पडून महिला जागीच ठार |
मृत्यूस कारणीभूत ठरल्या प्रकरणी अज्ञात पिकअप चालकावर गुन्हा |
अस्तित्व लपवल्या प्रकरणी दोघांवर गुन्हा |
अल्पवयीन मुलीचे अपहरण |
एकाच्या मृत्यूस कारणीभूत ठरल्याप्रकरणी कारचालकावर गुन्हा |
मतदारांनो, निर्भयपणे मतदान करुन आपला हक्क बजावा |
कोरेगाव तालुक्यातील नऊ गावांचा मतदानावर बहिष्काराचा इशारा |
जिल्ह्यात 2315 मतदान केंद्रावर उद्या लोकशाहीचा उत्सव |
पोलिसांनी केला चोवीस तासांत घरफोडीचा गुन्हा उघड |
जिल्हा परिषदेच्या २००० अधिकारी कर्मचारी पथकांकडून १ लाख कुटुंबांना भेटून मतदान जनजागृती |
मतदानापूर्वी 72 तासात बँकानी 10 लाखाच्यावरील व्यवहार रोखीने करु नयेत : कुमार उदय, खर्च निवडणूक निरीक्षक |
अवैधरित्या दारु विक्री प्रकरणी एकावर कारवाई |