02:49pm | Dec 31, 2020 |
कोरेगाव : कोरेगाव विधानसभा मतदारसंघाच्या विद्यमान लोकप्रतिनिधीने माझ्या नावाची जी बदनामी सुरू केली आहे. ती अत्यंत चुकीची व दिशाभूल करणारी आहे. मी त्यांना काय मागितले? काय नाही? हे त्यांनी माझ्या समोर येऊन चर्चा करावी. कुजबुज करून एखाद्या कार्यकर्त्याला, नेत्याला बदनाम करण्याची आपल्या पक्षाची परंपरा आहे. हिम्मत असेल तर त्यांनी मझ्यासमोर येऊन चर्चा करावी. विधानसभा निवडणुकीत मी तुमच्यासाठी काय केले? कित्ती खर्च केला? याबदल्यात मी तुमच्याकडे काय मागितले? तुम्ही मला काय दिले आहे? दिल्या-घेतल्याचा हिशोब आपण ल्हासुर्णेत पारावर बसून करू, असे आव्हान प्रदेश राष्ट्रवादी काँग्रेसचे सरचिटणीस रमेश उबाळे यांनी आ.महेश शिंदे यांना दिले आहे. पत्रकात आ. महेश शिंदे यांच्या नावाचा उल्लेख टाळला आहे.
रमेश उबाळे यांनी दिलेल्या पत्रकात म्हटले आहे, मी तुमच्यावर प्रामाणिकपणे प्रेम करणारा सच्च्या कार्यकर्ता होतो. अगदी मोठ्या भावाप्रमाणे आपणावर प्रेम केले. मी आपला उल्लेख दादा म्हणून करत होतो. विधानसभा निवडणुकीत मी सुमारे तीन वर्षे बेभान होऊन तुमचा प्रचार केला आहे. तुम्ही माझ्या घरी येत होता. मी तुमच्या घरी येत होतो. आपला कौटुंबिक जिव्हाळा निर्माण झाला होता. हा जिव्हाळा टिकवण्याची माझी जशी जबाबदारी होती, तशी तुमचीही होती. निवडणूकीपूर्वी माझ्या आईच्या हातची चटणीही तुम्हाला गोड लागत होती. आईच्या हाताची चटणी खूपच चविष्ठ आहे. रमेश मला ही चटणी बांधून दे घरी जेवताना खाईन असे म्हणत होतात. परंतु निवडणूकीनंतर आपण सरड्यासारखा रंग पालटला. जवळ असलेला रमेश दूरचा वाटू लागला. आपल्या पक्षाच्या परंपरेप्रमाणे माझ्याविषयी कार्यकर्त्यांमध्ये वाईट मते व्यक्त करत कुजबुज करून बदनामी सुरू केली. तरीही मी आपणाकडे कानाडोळा केला. परंतु आपण थांबायलाच तयार नव्हता. एकवेळ मला, ‘रमेश तू राजकारण सोडून दे आणि तुझा व्यवसाय बघ.’ असे म्हणाला असता तर मी मोठ्या भावाचा शब्द मानून क्षणात राजकारण सोडून दिले असते. बदनाम करून रमेश उबळेला संपवायचे. हा तुमचा राजकीय डाव होता. परंतू आम्हीही डॉ.बाबासाहेब आंबेडकरांचे वंशज आहोत. स्वाभिमान आमच्या रक्ताच्या थेंबा-थेंबात आहे. आम्ही असेच संपणारे नाही आहोत हे तुम्हाला दाखवून देऊ.
तुमच्या नेतृत्वावर विश्वास ठेवून त्यावेळी मी त्या पक्षात प्रवेश केला. पक्षाचा पदाधिकारी झालो. तुमचे नेतृत्व तीन साडे तीन वर्षे अनुभवले आमदार होण्यापूर्वी तसेच आमदार झाल्यानंतरचे अनुभूती मला तुमच्याकडून मिळाली.दरम्यानच्या कालावधीत आपण माजी जलसंपदा मंत्री आ.शशिकांत शिंदे यांची वाढदिवसानिमित्त भेट घेतली. त्यांना वाढदिवसाच्या शुभेच्छा दिल्या. नेतृत्व, नेता कसा असतो याची चुणूक मला त्यांच्या बोलण्यातून जाणवली. अखेर मी माझे कुटुंबाशी, हितचिंतक मित्रांबरोबर चर्चा करून राष्ट्रवादीत प्रवेश करण्याचा निर्णय घेतला. आ.शशिकांत शिंदे साहेबांनी मला भरभरून दिले आहे. माझ्या नावाची प्रसिद्धी, चर्चा संपूर्ण कोरेगाव विधानसभा मतदारसंघात सुरू झाल्याने आपणास पुन्हा लहान भावाची कुठेतरी जेलसी निर्माण झाल्याने तुम्ही माझ्या नावाची पुन्हा बदनामी सुरू केली आहे. म्हणून तुम्ही कधीही, कितीही वाजता ल्हासुर्णेत मला बोलवा. मी विधानसभा निवडणुकीत तुमच्यासाठी काय केले? स्वतःच्या खिशातून कित्ती खर्च केला आहे. निवडणूकीनंतर मी तुमच्याकडे काय मागितले? तुम्ही मला काय दिले आहे? याचा हिशोब एकाच पारावर तुम्ही म्हणालात तर ग्रामस्थांसमोर अन्यथा दोघेच बसून करू या. परंतू कार्यकर्त्यांच्या कानात कुजबूज करून मला बदनाम करू नका. अन्यथा मलाही जशास तसे उत्तर द्यावे लागेल.
आमचे उबाळे घराणे देणारे आहे. घेणारे नाही. माझ्या आजोबांनी डॉ.बाबासाहेब आंबेडकरांना शिक्षणासाठी मदत दिली होती. हा आमच्या घराण्याचा इतिहास आहे. तुम्ही काय मला मागितले-मागितले म्हणून चर्चा करता तुम्हालाच आणखी काय मदत पाहिजे असेल तर तुम्ही माझ्याकडे जरूर या. माझ्या वडिलांनी कॅन्सरसारखा आजार आहे. आईला बी.पी.चा त्रास आहे. आशा परिस्थितीत माझ्या वृद्ध माता- पित्याना बाहेर काढून पाहुणे, नातेवाईकांंमध्ये प्रचारासाठी प्रचाराला पाठविले. माझी करत असलेली बदनामी त्यांनाही सहन होत नाही म्हणून दादा तुम्ही माझ्या आईच्या हातच्या खाल्लेल्या चटणी भाकरीला तरी जागा, असा टोलाही रमेश उबाळे यांनी आ.महेश शिंदे यांचे नाव न घेता पत्रकात लगावला आहे.
कोण फ्रॉड कोण प्रामाणिक हे काळ ठरवेल
रमेश उबाळे फ्रॉड आहे, असे म्हणून माझी बदनामी करण्याचे काम तुमच्याकडून सुरू आहे. परंतू मी फ्रॉड आहे की प्रामाणिक. हे तुमच्या निकटवर्तीय मित्रांना, तुमच्या पक्षाच्या कार्यकर्त्यांनी माहितीच आहे. तुम्ही माझी कितीही बदनामी केली तरी तुम्ही माझ्या नावाचा प्रचार करत आहात, असे मी समजतो आणि कोण फ्रॉड आणि कोण प्रामाणिक आहे? हे काळच ठरवेल, असेही रमेश उबाळे यांनी पत्रकात म्हटले आहे.
महाराष्ट्राचा लोकनेता दिनदर्शिका प्रसिद्ध करणार
‘महाराष्ट्राचा लोकनेता आ.शशिकांत शिंदे’ नवीन वर्षाची दिनदर्शिका बालाजी कन्स्ट्रक्शनच्या वतीने लवकरच नवीन वर्षात प्रसिद्ध होणार असून या दिनदर्शिकेच्या सुमारे 10 हजार प्रती कोरेगाव विधानसभा मतदारसंघात वाटणार आहे. मागणी वाढल्यास या दिनदर्शिकेची आणखी एक आवृत्ती काढण्यात येईल, असेही रमेश उबाळे म्हणाले.
आयशर टेम्पो आडवा आल्याने पोलिसांच्या गाडीला अपघात |
महाराष्ट्र राज्य ग्रामीण जीवनोन्नती अभियान अर्थात 'उमेद' ने करून दाखवले |
पत्नीला मारहाण केल्याप्रकरणी पतीवर गुन्हा |
शाहूपुरीत सुमारे दीड लाखांची घरफोडी |
खंडणी मागितल्या प्रकरणी तिघांवर गुन्हा |
सातारा जिल्ह्यामध्ये 63.07 टक्के मतदान |
उदयनराजे भोसले यांचे सात वाजून सात मिनिटांनी मतदान |
मोठ्या मतांनी शाहू छत्रपती यांचा विजय होईल |
पाण्याच्या टाकीची भिंत अंगावर पडून महिला जागीच ठार |
मृत्यूस कारणीभूत ठरल्या प्रकरणी अज्ञात पिकअप चालकावर गुन्हा |
अस्तित्व लपवल्या प्रकरणी दोघांवर गुन्हा |
अल्पवयीन मुलीचे अपहरण |
एकाच्या मृत्यूस कारणीभूत ठरल्याप्रकरणी कारचालकावर गुन्हा |
मतदारांनो, निर्भयपणे मतदान करुन आपला हक्क बजावा |
कोरेगाव तालुक्यातील नऊ गावांचा मतदानावर बहिष्काराचा इशारा |
सातारा जिल्ह्यामध्ये 63.07 टक्के मतदान |
उदयनराजे भोसले यांचे सात वाजून सात मिनिटांनी मतदान |
मोठ्या मतांनी शाहू छत्रपती यांचा विजय होईल |
पाण्याच्या टाकीची भिंत अंगावर पडून महिला जागीच ठार |
मृत्यूस कारणीभूत ठरल्या प्रकरणी अज्ञात पिकअप चालकावर गुन्हा |
अस्तित्व लपवल्या प्रकरणी दोघांवर गुन्हा |
अल्पवयीन मुलीचे अपहरण |
एकाच्या मृत्यूस कारणीभूत ठरल्याप्रकरणी कारचालकावर गुन्हा |
मतदारांनो, निर्भयपणे मतदान करुन आपला हक्क बजावा |
कोरेगाव तालुक्यातील नऊ गावांचा मतदानावर बहिष्काराचा इशारा |
जिल्ह्यात 2315 मतदान केंद्रावर उद्या लोकशाहीचा उत्सव |
पोलिसांनी केला चोवीस तासांत घरफोडीचा गुन्हा उघड |
जिल्हा परिषदेच्या २००० अधिकारी कर्मचारी पथकांकडून १ लाख कुटुंबांना भेटून मतदान जनजागृती |
मतदानापूर्वी 72 तासात बँकानी 10 लाखाच्यावरील व्यवहार रोखीने करु नयेत : कुमार उदय, खर्च निवडणूक निरीक्षक |
अवैधरित्या दारु विक्री प्रकरणी एकावर कारवाई |