ब्रिसबेन: ऑस्ट्रेलियाविरूध्दच्या चौथ्या कसोटी सामन्यात भारतीय गोलंदाजांनी पुन्हा एकदा धमाकेदार कामगिरी करत ऑस्ट्रेलियाचा दुसरा डावा 294 धावांवर संपुष्टात आणला. त्यामुळे भारताला सामना व मालिका विजयासाठी 328 धावांची आवशकता आहे. बॉर्डर-गावसकर कसोटी मालिका सध्या 1-1 बरोबरीत आहे. 
पहिला कसोटी सामना ऑस्ट्रेलियानं तर तुसर्‍या सामन्यात भारतानं विजय मिळवला होता. तिसरा कसोटी सामना भारतीय संघान अनिर्णीत राखला होता. त्यामुळे अखेरच्या कसोटी सामन्यात विजय मिळवून चषकावर नाव कोरण्याचा दोन्ही संघाचा प्रयत्न असेल. 
चौथ्या दिवशी मैदानावर उतरलेल्या ऑस्ट्रेलियन फलंदाजांनी आक्रमक रूप धारण करत धमाकेदार सुरू वात केली. डेव्हिड वॉर्नर आणि मार्कस हॅरिस यांनी तुफानी फटकेबाजी करत धावसंख्या वाढवली. वॉर्नर-हॅरिस यांनी पहिल्या विकेटसाठी 89 धावांची भागिदारी केली. ऑस्ट्रेलियाकडून स्टिव स्मिथनं सर्वाधिक 55 धावा काढल्या. त्याव्यतिरिक्त डेव्हिड वॉर्नर (48), हॅरिस (38), लाबुशेन (25), कॅमरुन ग्रीन(37) आणि कर्णधार पेन (27) यांनी झटपट धावा केल्या आहेत.
भारतीय संघाकडून मोहम्मद सिराज आणि शार्दुल ठाकूरनं प्रभावी गोलंदाजी केली. मोहम्मद सिराजनं पाच बळी मिळवले तर शार्दुल ठाकूरनं ऑस्ट्रेलियाच्या चार फलंदाजांन तंबूत धाडलं. अष्टपैलू संदुरला एक बळी मिळाला. गाबाच्या मैदानावर आतापर्यंत चौथ्या डावात 250 पेक्षा जास्त धावांचं आव्हान एकदाही कोणत्याही संघाला पार करता आलं नाही. ब्रिस्बेनमधील गाबा मैदानावरील हा रेकॉर्ड भारतीय संघ मोडणार का? याकडे क्रीडा प्रेमींचं लक्ष लागलं आहे.