सातारा : निर्वाचन विभाग 42 शेंद्रे गटातील निर्वाचन गट क्रमांक 83 या मधील 22 मतदान केंद्राचा समावेश असून पोटनिवडणुकीसाठी मतदार यादीचा कार्यक्रम जाहीर झाला आहे, अशी माहिती मतदार नोंदणी अधिकारी 262 सातारा विधानसभा मतदार संघ तथा उपविभागीय अधिकारी मिनाज मुल्ला यांनी दिली आहे.
समाविष्ट गावे : सातारा मंडल- आवाडवाडी, यवतेश्वर, सांबरवाडी, दरे बु. अंबवडे मंडल-डबेवाडी, जकातवाडी शहापुर (जकातवाडी) शहापुर. शेंद्रे मंडल- धनावडेवाडी, मुग्दुलभटाचीवाडी, कुमठे, शेरेवाडी, मापरवाडी, पिलाणीवाडी, नरेवाडी-कौंदणी, कुसवडे, भाटमरळी, परमाळे, बेंडवाडी, आसनगाव, राकुसलेवाडी, पिलाणी.
प्रभागनिहाय प्रारुप मतदार यादी प्रसिद्ध करणे 18 फेब्रुवारी, प्रारुप मतदार यादीवर हरकती व सूचना दाखल करण्याचा कालावधी 18 फेब्रुवारी ते 26 फेब्रुवारी, प्रभागनिहाय मतदार याद्या अंतिम व अधिप्रमाणित करुन प्रसिद्ध करणे 15 मार्च, मतदान केंद्रांची यादी व मतदान केंद्रनिहाय मतदार यादी प्रसिद्ध करणे 18 फेब्रुवारी. तरी संबंधित मतदारांनी आपले नाव मतदार यादीमध्ये असल्याबाबतची खात्री करावी, असेही आवाहन उपविभागीय अधिकारी मिनाज मुल्ला यांनी केले आहे.