पुसेगाव: गड किल्ले संवर्धन सोबतच सामाजिक बांधिलकी जपत महिमानगड फाऊंडेशन, डिस्कळ या सामाजिक संस्थेने माण व खटाव तालुक्यातील अनेक गावांत कोरोना आरोग्य किट वाटप केले. तसेच प्राथमिक आरोग्य केंद्र आवारात खटाव तालुक्याचे लोकनेते  स्व.जयसिंगराव गोडसे (तात्या) यांच्या जयंती निमित्त वृक्षारोपण करण्यात आले. 
यावेळी संस्थेचे संस्थापक अध्यक्ष हर्षवर्धन ऊर्फ गणेश गोडसे, आरोग्य अधिकारी डॉ.मेघना पाटील, सुवर्णा गोडसे, महिमानगड फाऊंडेशन उपाध्यक्ष मोहन तोडकर, डिस्कळचे सरपंच महेश पवार, उपसरपंच संदीप कर्णे, अनिलकुमार गोडसे, ज्येष्ठ नागरिक संघाचे बापूराव कर्णे, रविराज लाड, सदाशिव घाडगे, प्रदीप गोडसे, डॉ. बी.एन घाडगे, पै.मनोहर आडके, दत्तात्रय मदने, लक्ष्मण निकम, अमोल गरड, सतीश निकम, पांडुरंग निकम आदी ग्रामस्थ व आरोग्य केंद्र स्टाफ कर्मचारी उपस्थित होते.
यावेळी फाऊंडेशनचे अध्यक्ष गोडसे यांनी संस्थेच्या गड किल्ले संवर्धन व सामाजिक कार्याबद्दल माहिती दिली. या कार्याबद्दल आरोग्य केंद्र व ग्रामपंचायततर्फे महिमानगड फाऊंडेशनचे आभार मानण्यात आले.