बुध: निढळ (ता.खटाव) येथील जी.डी.फौंडेशनतर्फे नुकतेच जी.डी.फौंडेशनचे अध्यक्ष  उद्योजक गजानन खुस्पे यांच्यावतीने जगदीश निर्मळ सर यांचा सत्कार करण्यात आला. निर्मळ सर हे ज्या शाळेत शिकले त्याच शाळेचे मुख्याध्यापक होत आहेत. निर्मळ सर यांनी या अगोदर दरुज व पुसेगाव या शाळेत अतिशय उत्तम योगदान दिले आहे. ते निढळला ही शाळेला एका वेगळ्या उंचीवर नेतील व त्यासाठी लागणारी सर्व मदत करण्यास जी.डी.फौंडेशन सदैव तयार असेल. या अगोदर शाळेला फौंडेशनने अनेकवेळा मदत केली आहे, असे गजानन खुस्पे यांनी सांगितले. निर्मळ सरांनी सर्वांचे आभार मानले व शाळेच्या सर्वांगीण विकासासाठी मुख्याध्यापक म्हणून मी संपून योगदान देईन असे सांगितले.
याप्रसंगी उपाध्यक्ष संजय भोंडवे, शाळा कमिटी सदस्य साहेबराव पाटील, अशोक खुस्पे, विजय शिंदे, वसंत निर्मळ, छगन शिंदे, मच्छिंद्र घाडगे, कुंडलिक भोंडवे, अरुण शिंगाडे, बाळा खुस्पे, बंटी कुलकर्णी, नाशिर शेख, नारायण खुस्पे व भगवान खुस्पे उपस्थिती होते.