सातारा : जिल्ह्यात तीन वेगवेगळ्या घटनेत, वेगवेगळ्या ठिकाणी गळफास घेवून तीन जणांनी गळफास घेवून आत्महत्या केल्याची घटना घडली.
याबाबत पोलिसांनी दिलेली माहिती अशी, दि. 22 रोजी 11 वा. सुमारास डांबेवाडी, ता. खटाव गावच्या हद्दीत राहत्या घरी सारीका विशाल बागल (वय 29) हिने राहत्या घरात गळफास लावून आत्महत्या केल्याची खबर लाला गोविंद शिंदे (वय 60) रा. भालवडी, ता. माण यांनी वडूज पोलीस ठाण्यात दाखल केली आहे.
दि. 22 रोजी 6 वा. पुर्वी आरळे, ता. सातारा येथे न्यु गणेश मंडळाच्या शेजारी असणार्‍या शेडमध्ये संतोष आनंदराव वाघमळे (वय 45) रा. आरळे यांनी लोखंडी ऍगलला नायलॉनच्या दोरीने गळफास घेवून आत्महत्या केल्याची खबर रोहीत गणेश वाघमळे यांनी सातारा तालुका पोलीस ठाण्यात दाखल केली आहे.
दि. 21 ते 22 जानेवारी दरम्यान वाई, ता. वाई येथील रामडोह आळी येथे स्वप्नील प्रकाश गायकवाड (वय 27) याने घरातील बेडरुममधील पंख्याच्या हुकाला गळफास घेवून आत्महत्या केल्याची खबर अमोल चंद्रकांत सोळस्कर यांनी वाई पोलीस ठाण्यात दिली आहे.