02:04pm | Apr 14, 2022 |
फलटण : गत महिन्यात दिगंबर आगवणे याने खासदार रणजितसिंह नाईक निंबाळकर यांनी स्वराज साखर कारखाना व स्वराज नागरी सहकारी पतसंस्था यांच्या माध्यमातून कोट्यावधी रुपयांची आर्थिक फसवणूक केली असल्याचा आरोप करत पोलिसात तक्रार दाखल केली होती. खासदारांसह कारखाना व पतसंस्थेच्या संचालक मंडळावर आर्थिक फसवणूकीचा गुन्हा दाखल करण्याची मागणी फलटण ग्रामीण पोलीस ठाण्याकडे तक्रार केली होती. मात्र, दि. 11 एप्रिल रोजी फलटण न्यायालयाच्या आदेशाने फलटण शहर पोलीस ठाण्यात दिगंबर आगवणे यानेच स्वराज्य नागरी पतसंस्थेकडून कर्ज घेताना तारण दिलेली मिळकत किंमती असल्याचे भासवून संस्थेची फसवणूक केली असल्याची तक्रार दाखल झाल्याने आगवणेच अडचणीत आला आहे.
याबाबत अधिक माहिती अशी, दिगंबर आगवणे याने कर्ज रकमेस बगल देण्यासाठी पतसंस्थेचे माजी चेअरमन, संचालक मंडळ यांच्यावर दिशाभूल करणारे आरोप करत वृत्तपत्र व प्रसार माध्यमांद्वारे खोटी व बदनामी करणारी वक्तव्ये केली होती. त्यानंतर पतसंस्थेने फलटणचे प्रथमवर्ग न्यायदंडाधिकारी यांच्या कोर्टात दिगंबर आगवणे याच्या विरुधद फौजदारी खटला दाखल केला होता. त्यावर न्यायालयाने या अर्जावरुन या तक्रारीचा तपास करुन अहवाल पाठवण्याचे आदेश दिल्यानंतर स्वराज्य नागरी पतसंस्थेचे शाखा व्यवस्थापक दत्तराज शिवाजीराव फडतरे यांची फलटण शहर पोलीस ठाण्यात तक्रार दाखल करण्यात करुन घेण्यात आली आहे. यामुळे खासदार रणजितसिंह नाईक निंबाळकर यांच्यासह पतसंस्थेवर, माजी चेअरमन, संचालक मंडळावर दिशाभूल करणारा दिगंबर आगवणे अडचणीत आला आहे.
फिर्यादीत म्हटले आहे की, दिगंबर रोहिदास आगवणे रा. गिरवी, ता. फलटण याने दि. 2 एप्रिल 2016 रोजी वखार व्यवसायासाठी कर्ज अर्ज केला होता. त्या अर्जावरुन संचालक मंडळाच्या मिटिंगमध्ये दि. 4 एप्रिल 2016 रोजी एक कोटी रुपये कर्ज मंजूर केले होते. आगवणे याने यापूर्वी पतसंस्थेकडून कर्ज घेवून त्याची परत करुन विश्वास संपादन केल्याने एवढ्या मोठ्या रकमेचे कर्ज मंजूर करण्यात आले होते. त्याला कर्जासाठी घाई असल्याने त्याने वकिलामार्फत सुरवडी, ता. फलटण येथील गट नं 48/2 मिळकतीचा महसुली शोध अहवाल घेवून दि. 29 एप्रिल 2016 रोजी गहाणखत नोंदवले होते. त्यामुळे संस्थेने एक कोटी रुपयांचे कर्ज शेअर्सची रक्कम वजा करुन अदा केले होते. आगवणे याने 2017 सालापर्यंत कर्ज खात्यात 72 लाख रुपये जमा केले होते.
मात्र, त्याच दरम्यान आगवणे याने तारण दिलेल्या गट 48/2 याचे सातबारावरील संस्थेच्या बोजाच्या नोंदीविरुध्द शितोळे नामक व्यक्तीने फलटण उपविभागीय अधिकाऱ्यांकडे हरकत घेतली. त्यावेळी कर्जासाठी तारण मिळकतीत वाद असल्याचे समोर आल्यावर आगवणे याने पतसंस्थेला तुम्ही काळजी करु नका असा विश्वास दिला होता. मात्र, फिर्यादी ही संस्था असल्याने व नियमात काम करत असल्याने संस्थेने फलटण उपविभागीय अधिकाऱ्यांच्या अर्थ न्यायिक प्रक्रियेत सहभाग घेतला घेत कायदेशीर कारवाई राबवली होती. गट 48/2 या जमिनीची कायदेशीर मालकी नसताना आगवणे याने तारण दिलेली मिळकत किंमती असल्याचे भासवून व खोटे गहाणखत करुन पतसंस्थेची फसवणूक केली होती.
संस्थेकडून कर्जवसुलीचा तगादा सुरु असल्याने आगवणे याने वसुलीला बगल देण्यासाठी संस्थेचे माजी चेअरमन, संचालक मंडळाची प्रसारमाध्यमांना खोटी व दिशाभूल करणारी माहिती देवून बदनामी केली. यामुळे ठेवीदार व संस्थेच्या सभासदांमध्ये संभ्रमावस्था निर्माण झाली तसेच थकीत कर्ज वसुलीसाठी गेल्यावर अर्वाच्च भाषेत शिवीगाळ, दमदाटी करत अंगावर धावून जाण्याचा प्रकार केला आहे. परत जर कर्जाबाबत मला विचाराल तर सर्व संचालकांवर ऑसिटीचा गुन्हा दाखल करण्याची धमकीही आगवणे याने दिली. यापूर्वीही त्याने ऑसिटीचा वापर करुन खोटे गुन्हे दाखल केले असून तो खुनशी प्रवृत्तीचा आहे. त्याच्यावर फलटण, पुणे येथे विविध गंभीर स्वरुपाचे गुन्हे दाखल असून तो सध्या 307 च्या गुन्ह्यामध्ये जामिनावर बाहेर आहे. त्यामुळे त्याच्यावर कायदेशीर कारवाईची गरज असल्याचे फलटण न्यायालयात दाखल अर्जात नमूद केले होते. त्यानुसार न्यायालयाने फौजदारी कलम 156(3) प्रमाणे तपास करुन अहवाल सादर करण्याचे आदेश दिले असल्याने पतसंस्थेतर्फे ही तक्रार दाखल करत असल्याचे फडतरे यांनी फिर्यादी म्हटले आहे.
मला बदनाम करण्याचा कट उधळला : खा. निंबाळकर
दिगंबर आगवणे यांनी केलेले आरोप हे दिशाभूल करणारे आहेत. खोटी तक्रार करुन मला बदनाम करण्याचा कट सत्य काय हे समजल्यानंतर न्यायालय व पोलिसांकडून उधळला गेला आहे. सत्य परेशान हो सकता है, लेकीन पराजित नही हो सकता अशी प्रतिक्रिया खासदार रणजितसिंह नाईक निंबाळकर यांनी व्यक्त केली आहे. आगवणे याने साखरवाडी येथील एकच जमीन दोन ते तीन बँकाना तारण ठेवलेली आहे. दिगंबर आगवणे यांना पुर्वीच्या काळामध्ये चांगल्या भावनेनेच मदत केलेली होती. मात्र, दिगंबर आगवणे म्हणजे मिस्टर नटवरलाल आहेत, असा पलटवार केला. तसेच आगवणे यांच्यावर अनेक गुन्हे दाखल असताना तो माणूस पोलीस बंदोबस्तात फिरतो कसा? असा सवाल खासदार निंबाळकर यांनी फलटण येथे दि. 12 रोजी एप्रिल रोजी झालेल्या पत्रकार परिषदेत केला.
वस्तूस्थिती न्यायालय, पोलिसांसमोर मांडली
आगवणे ज्या वेळी विधानसभेच्या निवडणुकीत उभे राहिलेले होते त्यावेळी केलेल्या प्रतिज्ञापत्रात त्यांनी कर्जाचा उल्लेख केलेला आहे. व त्या कर्जासाठी त्यांनी तारण सुध्दा ठेवलेले होते. तर ते कर्ज बोगस कर्ज कसे होईल, असा सवाल ही खासदार रणजितसिंह नाईक निंबाळकर यांनी यावेळी उपस्थित केला. दिगंबर आगवणे यांच्याकडून मला साधारण आठ कोटी येणे आहेत. त्यामुळे त्यांचे सुमारे दोन कोटी होल्ड केलेले आहेत. आठ कोटीमधुन दोन कोटी वजा करता सुमारे सहा कोटी त्यांच्याकडून येणे आहे. याबाबत सविस्तर माहिती जिल्हा पोलीस प्रमुख यांना दिलेली आहे, असेही खासदार रणजितसिंह नाईक निंबाळकर यांनी स्पष्ट केले.
सातारा जिल्ह्यात तब्बल पन्नास हजार नवमतदार |
स्व. यशवंतराव चव्हाण यांना भारतरत्न देण्याची मागणी पंतप्रधान मोदींकडे करणार |
कराड तालुक्याच्या विकासासाठी एकत्र प्रयत्न करूया: खा. उदयनराजे भोसले |
खोऱ्याने मते घेणाऱ्या नेत्यांनी केले पाटण खोऱ्याकडे दुर्लक्ष |
सातारा जिल्ह्यातील दोन पोलिस अधिकाऱ्यांसह ११ जणांना महासंचालक सन्मानचिन्ह जाहीर |
सांगलीच्या सिंचनासाठी मागणी झाली कमी |
पोटात चाकू भोसकून एकाला जिवे मारण्याचा प्रयत्न |
ठोसेघर येथे एकाचा डोक्यात दगड घालून निर्घृण खून |
उंच भरारी योजनेचे ब्रँन्ड ऍम्बेसिडर म्हणून मोनिका राठी तसेच सौरभ भोसले यांची निवड |
केट्स पॉईंट वरुन आत्महत्त्या केलेल्याचा मृतदेह दरीबाहेर काढण्यात यश |
शेंद्रे येथील तिहेरी अपघात प्रकरणी तिघांवर गुन्हा |
सुमारे अडीच लाखांच्या बांधकाम साहित्याची चोरी |
एकास मारहाण केल्याप्रकरणी पाच जणांवर गुन्हा |
सातार्यातून युवक बेपत्ता |
नागठाण्यात युवकाची आत्महत्या |
सांगलीच्या सिंचनासाठी मागणी झाली कमी |
पोटात चाकू भोसकून एकाला जिवे मारण्याचा प्रयत्न |
ठोसेघर येथे एकाचा डोक्यात दगड घालून निर्घृण खून |
उंच भरारी योजनेचे ब्रँन्ड ऍम्बेसिडर म्हणून मोनिका राठी तसेच सौरभ भोसले यांची निवड |
केट्स पॉईंट वरुन आत्महत्त्या केलेल्याचा मृतदेह दरीबाहेर काढण्यात यश |
शेंद्रे येथील तिहेरी अपघात प्रकरणी तिघांवर गुन्हा |
सुमारे अडीच लाखांच्या बांधकाम साहित्याची चोरी |
एकास मारहाण केल्याप्रकरणी पाच जणांवर गुन्हा |
सातार्यातून युवक बेपत्ता |
नागठाण्यात युवकाची आत्महत्या |
उदयनराजे यांना मतदान करून गादीचा सन्मान ठेवा |
जपानचे स्लिम लँडर तिसऱ्यांदा जागृत |
कोल्हापुरातील अंबाबाईच्या रथोत्सव |
छत्रपतींच्या वंशजांना जावळीचा स्वाभिमान सांगू नका |
माझ्याकडे विरोधकांच्या अनेक भानगडी |