सातारा : जुन्या वादाच्या कारणावरून एका महिलेला फोन करून तिच्याशी अश्लीलपणे बोलून तिचा विनयभंग केल्याप्रकरणी तीन जणांविरोधात उंब्रज पोलीस ठाण्यात गुन्हा दाखल झाला.
याबाबत पोलिसांनी दिलेली माहिती अशी, दि. 27 फेब्रुवारी ते दि.5 मार्च या दरम्यान उंब्रज, ता. कराड येथील एका 46 वर्षीय महिलेच्या मुलाशी वाद झाल्याच्या कारणावरून चिडून जाऊन जगदीश थोरात रा. कोर्टी याने आपल्या मोबाईलवरुन त्या महिलेला अश्लीलपणे बोलला होता. तसेच तिला लज्जा उत्पन्न होईल असे वर्तन करून तिच्या गाडीला गाडी आडवी मारल्याच्या तक्रारीवरून जगदीश थोरात, रा. कोर्टी, ता. कराड, बाबासो पाटील रा.नारळवाडी आणि सचिन यादव (पूर्ण नाव व पत्ता माहीत नाही) त्याच्यावर उंब्रज पोलीस ठाण्यात विनयभंगाचा गुन्हा दाखल झाला आहे.