सातारा : सैदापूर, ता. सातारा येथे अज्ञात चोरट्यांनी घरफोडी करून 2 लाख 43 हजार रुपयांचे सोन्या - चांदीचे दागिने लंपास केल्याची तक्रार सातारा तालुका पोलीस ठाण्यात दाखल झाली आहे.
याबाबत पोलिसांनी दिलेली माहिती अशी, दि. 16 रोजी 5 ते दि. 17 रोजीच्या 8.25 वाजण्याच्या सुमारास प्लॉट नंबर 29, रयत कॉलनी, सैदापूर, ता. सातारा येथील राहत्या घराच्या दरवाजाला कडी दंडा कुलूप कशाने तरी तोडून आत प्रवेश करून अज्ञात चोरट्यांनी बेडरूममधील 1 लाख 20 हजार रुपये किमतीचे तीन तोळे वजनाचे सोन्याचे नेकलेस, 40 हजार रुपये किमतीचे एक तोळा वजनाचे दोन सोन्याच्या चैनी, 40 हजार रुपये किमतीच्या चार सोन्याच्या रिंगा, 40 हजार रुपये किमतीचे एक तोळा वजनाचे तीन सोन्याचे बदाम, 3 हजार रुपये किमतीचे सहा चांदीचे कॉइन असा एकूण 2 लाख 43 हजार रुपये किमतीचे सोन्याचे दागिने अज्ञात चोरट्यांनी लंपास केल्याची तक्रार दिलीपकुमार विष्णू माने (वय 64) रा. रयत कॉलनी, सैदापूर, सातारा यांनी सातारा तालुका पोलीस ठाण्यात दाखल केली आहे. सहाय्यक पोलीस अधीक्षक आंचल दलाल यांनी घटनास्थळी भेट दिली असून पोलीस उपनिरीक्षक पाटील तपास करीत आहेत.