05:52pm | Mar 13, 2022 |
कराड : स्व. यशवंतराव चव्हाण यांच्या दूरदृष्टी व नेतृत्वामुळे महाराष्ट्राच्या विकासाची पायाभरणी झाल्याने आज महाराष्ट्र प्रगतीपथावर आहे. त्यांचे योगदान खुप मोठे असून त्यांचा विकासाचा वारसा जपणे हे आपले कर्तव्य आहे, असे प्रतिपादन जेष्ठ संपादक व पत्रकार मधुकर भावे यांनी केले.
स्व. यशवंतराव चव्हाण यांच्या १०९ व्या जयंतीनिमित्त आयोजित श्री शिवाजी शिक्षण संस्था, विद्यानगर, कराडच्या वेणूताई चव्हाण कॉलेज व यशवंतराव चव्हाण कॉलेज ऑफ सायन्स यांच्या अनुक्रमे 'संगम' आणि 'यशवंत' या नियतकालिकांच्या संयुक्त प्रकाशन व व्याख्यान समारंभाप्रसंगी प्रमुख पाहुणे म्हणून 'मी पाहिलेले यशवंतराव चव्हाण' या विषयावर ते बोलत होते. अध्यक्षस्थानी संस्थेचे जनरल सेक्रेटरी प्रकाश पांडुरंग पाटील होते.
कार्यक्रमाची सुरुवात दीपप्रज्वलन करून स्व. यशवंतराव चव्हाण, सौ. वेणूताई आणि आदरणीय पी.डी. पाटील यांच्या प्रतिमेस पुष्पहार अर्पण करून करण्यात आली. यावेळी वैष्णवी देशपांडे आणि ईश्वरी देव यांनी ईशस्तवन सादर केले. यानंतर प्रमुख पाहुण्यांच्या शुभहस्ते दोन्ही महाविद्यालयाच्या नियतकालिकांचे प्रकाशन करण्यात आले.
भावे म्हणाले, यशवंतराव चव्हाण यांनी आधुनिक महाराष्ट्राची पायाभरणी करून विकासाची दिशा दिली. त्यांचे साहित्य आणि सांस्कृतिक वर्तुळाशी असलेले घनिष्ठ संबंध सवर्श्रुत आहेत. ते स्वत: राजकारणाच्या व्यस्ततेतून लेखन करत. त्यामुळे याच तळमळीतून त्यांनी घेतलेले काही निर्णय देशाच्या हिताचे ठरले. यशवंतराव चव्हाण यांच्या विचारांचा नंदादीप कायम तेवत ठेवला पाहिजे. त्यांच्यासारखा माणूस जगात आता होणार नाही. यशवंतराव चव्हाण यांचे योगदान खूपच मोठे असल्याचे त्यांनी यावेळी सांगितले.
तसेच महाविद्यालयीन नियतकालिके म्हणजे विद्यार्थ्यांना आपले विचार व्यक्त करण्याचे हक्काचे व्यासपीठ असते. विद्यार्थ्यांच्या कलागुणांना यामुळे वाव मिळतो. 'संगम' आणि 'यशवंत' ही दोन्ही नियतकालिके शिवाजी विद्यापीठाच्या कार्यक्षेत्रात आपला वेगळा ठसा निर्माण करणारी असल्याचेही त्यांनी सांगितले.
प्रकाश पाटील म्हणाले, शिवाजी विद्यापीठाच्या कार्यक्षेत्रात यशवंतराव चव्हाण आणि आदरणीय पी.डी. पाटील यांचा वसा आणि वारसा जोपासत दोन्ही महाविद्यालयांनी नावलौकिक कमवीले आहे. तसेच या महाविद्यालयातील विद्यार्थ्याचा सर्वांगीण विकास व्हावा, या हेतूने संस्था सर्वोतोपरी मदत करत असते. नियतकालिक स्पर्धांमध्येही दोन्ही नियतकालिके कशी सरस ठरतील, याविषयी संपादकांचा कटाक्ष असतो. महाविद्यालयाचे नियतकालिक म्हणजे महाविद्यालयाचा आरसा असतो, असेही त्यांनी यावेळी सांगितले.
'संगम' या नियतकालिकाचे संपादक प्रा.डॉ.एस.आर. सरोदे यांनी केले असून मुखपृष्ठ सानिया दिक्षित यांनी साकारले आहे. तर 'यशवंत' नियतकालिकाचे संपादन प्रा.डॉ.आर.एस. पाटील यांनी केले असून मुखपृष्ठ नीलिमा होरा यांनी साकारले आहे.
यावेळी संस्थेचे पदाधिकारी नंदकुमार बटाणे, दिलीपभाऊ चव्हाण, अल्ताफ हुसेन मुल्ला, वाय.बी. चव्हाण स्पर्धा परीक्षा मार्गदर्शन केंद्राचे समन्वयक डॉ.बी.एन. गोफणे, सहसमन्वयक प्रा.एस.व्ही. जोशी, माजी प्राचार्य बी.एन. कालेकर, माजी प्राचार्य डॉ.बी.व्ही. कुलकर्णी आदी. उपस्थित होते.
वेणूताई चव्हाण कॉलेजचे प्राचार्य डॉ.एल.जी. जाधव यांनी प्रास्ताविक व स्वागत केले. प्रा.डॉ.एन.ए. पाटील यांनी प्रमुख पाहुणे व अध्यक्ष यांचा परिचय करून दिला. प्राचार्य एस.बी. केंगार यांनी आभार मानले. सूत्रसंचालन प्रा.एस.पी. पाटील यांनी केले. कार्यक्रमास वेणूताई चव्हाण कॉलेज व यशवंतराव चव्हाण कॉलेज ऑफ सायन्सचे प्राध्यापक, प्राध्यापिका, प्रशासकीय सेवक, विद्यार्थी, विद्यार्थिनी व पालक बहुसंख्येने उपस्थित होते.
सातारा जिल्ह्यात तब्बल पन्नास हजार नवमतदार |
स्व. यशवंतराव चव्हाण यांना भारतरत्न देण्याची मागणी पंतप्रधान मोदींकडे करणार |
कराड तालुक्याच्या विकासासाठी एकत्र प्रयत्न करूया: खा. उदयनराजे भोसले |
खोऱ्याने मते घेणाऱ्या नेत्यांनी केले पाटण खोऱ्याकडे दुर्लक्ष |
सातारा जिल्ह्यातील दोन पोलिस अधिकाऱ्यांसह ११ जणांना महासंचालक सन्मानचिन्ह जाहीर |
सांगलीच्या सिंचनासाठी मागणी झाली कमी |
पोटात चाकू भोसकून एकाला जिवे मारण्याचा प्रयत्न |
ठोसेघर येथे एकाचा डोक्यात दगड घालून निर्घृण खून |
उंच भरारी योजनेचे ब्रँन्ड ऍम्बेसिडर म्हणून मोनिका राठी तसेच सौरभ भोसले यांची निवड |
केट्स पॉईंट वरुन आत्महत्त्या केलेल्याचा मृतदेह दरीबाहेर काढण्यात यश |
शेंद्रे येथील तिहेरी अपघात प्रकरणी तिघांवर गुन्हा |
सुमारे अडीच लाखांच्या बांधकाम साहित्याची चोरी |
एकास मारहाण केल्याप्रकरणी पाच जणांवर गुन्हा |
सातार्यातून युवक बेपत्ता |
नागठाण्यात युवकाची आत्महत्या |
सांगलीच्या सिंचनासाठी मागणी झाली कमी |
पोटात चाकू भोसकून एकाला जिवे मारण्याचा प्रयत्न |
ठोसेघर येथे एकाचा डोक्यात दगड घालून निर्घृण खून |
उंच भरारी योजनेचे ब्रँन्ड ऍम्बेसिडर म्हणून मोनिका राठी तसेच सौरभ भोसले यांची निवड |
केट्स पॉईंट वरुन आत्महत्त्या केलेल्याचा मृतदेह दरीबाहेर काढण्यात यश |
शेंद्रे येथील तिहेरी अपघात प्रकरणी तिघांवर गुन्हा |
सुमारे अडीच लाखांच्या बांधकाम साहित्याची चोरी |
एकास मारहाण केल्याप्रकरणी पाच जणांवर गुन्हा |
सातार्यातून युवक बेपत्ता |
नागठाण्यात युवकाची आत्महत्या |
उदयनराजे यांना मतदान करून गादीचा सन्मान ठेवा |
जपानचे स्लिम लँडर तिसऱ्यांदा जागृत |
कोल्हापुरातील अंबाबाईच्या रथोत्सव |
छत्रपतींच्या वंशजांना जावळीचा स्वाभिमान सांगू नका |
माझ्याकडे विरोधकांच्या अनेक भानगडी |