मुंबई : सिंचन घोटाळा प्रकरणी राष्ट्रवादी काँग्रेसचे नेते अजित पवार यांना लाचलुचपत प्रतिबंधक विभागाकडून (एसीबी) संपूर्ण क्लीन चिट मिळाली असतानाच शिवसेनेचे प्रमुख नेते संजय राऊत यांनी अजित पवार यांच्याबाबत महत्त्वपूर्ण व सूचक असे वक्तव्य केले आहे. राऊत यांचं हे विधान बरंच काही सांगून जाणारं आहे.
सिंचन घोटाळ्यातून क्लीन चिट मिळाल्याबाबत प्रश्न विचारला असता संजय राऊत यांनी सूचक विधान केलं. 'अजित पवार यांना सिंचन घोटाळ्यात 'एसीबी'कडून क्लीन चीट मिळाल्याचा आनंदच आहे, ते आमचे होणारे उपमुख्यमंत्री आहेत', असे राऊत म्हणाले. राऊत हे मुख्यमंत्री व शिवसेना पक्षप्रमुख उद्धव ठाकरे यांच्या अत्यंत जवळचे नेते आहेत. त्यामुळेच राऊत यांच्या या विधानाला महत्त्व असून २३ किंवा २४ डिसेंबर रोजी होणाऱ्या मंत्रिमंडळ विस्तारात अजित पवार यांच्या गळ्यात उपमुख्यमंत्रिपदाची माळ पडणार, ही शक्यता आता अधिकच बळावली आहे.
नागपूरमध्ये गुरुवारी मुख्यमंत्री उद्धव ठाकरे यांनी राष्ट्रवादी काँग्रेसचे अध्यक्ष शरद पवार यांची भेट घेतली. यावेळी काँग्रेसचे महाराष्ट्र प्रभारी मल्लिकार्जुन खर्गे यांच्यासह प्रमुख नेतेही उपस्थित होते. या बैठकीत मंत्रिमंडळ विस्तार तसेच शेतकरी कर्जमाफीबाबत चर्चा झाली होती. त्यानंतर 'आता सांगण्यासारखं काही नाही, जेव्हा काही ठरेल तेव्हा तुमच्या माध्यमातूनच सर्वांना सांगू' अशी प्रतिक्रिया मुख्यमंत्र्यांनी माध्यमांकडे दिली होती. त्याचवेळी अजित पवार यांनी २३ डिसेंबरला मंत्रिमंडळ विस्तार होईल, असे संकेत दिले होते. मुख्यमंत्र्यांनी संमती दिली तर २३ तारखेला मंत्रिमंडळ विस्तार होऊ शकेल, असे अजितदादांनी माध्यमांना सांगितले होते.
एकीकडे मंत्रिमंडळ विस्ताराचे वेध महाविकास आघाडीतील सर्वच इच्छूकांना लागलेले असताना दुसरीकडे अजित पवार यांच्यासाठी उपमुख्यमंत्रिपदाचे दरवाजे पुन्हा एकदा उघडू लागल्याचेच स्पष्ट संकेत सर्व घडामोडींतून मिळत आहेत. सिंचन घोटाळ्यातून क्लीन चिट मिळाल्याने अजितदादांसाठी तो मोठा दिलासा ठरला असून अजितदादा तिसऱ्यांदा उपमुख्यमंत्रिपदाची धुरा वाहण्यासाठी सज्ज झालेत, असे बोलले जात आहे. संजय राऊत यांच्या सूचक विधानाने त्याला आणखीच बळकटी मिळाली आहे. राज्यात महाविकास आघाडी उभारण्यात आणि या आघाडीचे सरकार आणण्यात राऊत यांचाही मोठा वाटा राहिला आहे. शरद पवार या आघाडीचे शिल्पकार असतील तर आघाडीचे 'स्क्रिप्ट रायटर' राऊतच होते. त्यामुळे राऊतांनी अजित पवार यांच्याबद्दल केलेले विधान महत्त्वाचे ठरते.
सातारा जिल्ह्यात तब्बल पन्नास हजार नवमतदार |
स्व. यशवंतराव चव्हाण यांना भारतरत्न देण्याची मागणी पंतप्रधान मोदींकडे करणार |
कराड तालुक्याच्या विकासासाठी एकत्र प्रयत्न करूया: खा. उदयनराजे भोसले |
खोऱ्याने मते घेणाऱ्या नेत्यांनी केले पाटण खोऱ्याकडे दुर्लक्ष |
सातारा जिल्ह्यातील दोन पोलिस अधिकाऱ्यांसह ११ जणांना महासंचालक सन्मानचिन्ह जाहीर |
सांगलीच्या सिंचनासाठी मागणी झाली कमी |
पोटात चाकू भोसकून एकाला जिवे मारण्याचा प्रयत्न |
ठोसेघर येथे एकाचा डोक्यात दगड घालून निर्घृण खून |
उंच भरारी योजनेचे ब्रँन्ड ऍम्बेसिडर म्हणून मोनिका राठी तसेच सौरभ भोसले यांची निवड |
केट्स पॉईंट वरुन आत्महत्त्या केलेल्याचा मृतदेह दरीबाहेर काढण्यात यश |
शेंद्रे येथील तिहेरी अपघात प्रकरणी तिघांवर गुन्हा |
सुमारे अडीच लाखांच्या बांधकाम साहित्याची चोरी |
एकास मारहाण केल्याप्रकरणी पाच जणांवर गुन्हा |
सातार्यातून युवक बेपत्ता |
नागठाण्यात युवकाची आत्महत्या |
सांगलीच्या सिंचनासाठी मागणी झाली कमी |
पोटात चाकू भोसकून एकाला जिवे मारण्याचा प्रयत्न |
ठोसेघर येथे एकाचा डोक्यात दगड घालून निर्घृण खून |
उंच भरारी योजनेचे ब्रँन्ड ऍम्बेसिडर म्हणून मोनिका राठी तसेच सौरभ भोसले यांची निवड |
केट्स पॉईंट वरुन आत्महत्त्या केलेल्याचा मृतदेह दरीबाहेर काढण्यात यश |
शेंद्रे येथील तिहेरी अपघात प्रकरणी तिघांवर गुन्हा |
सुमारे अडीच लाखांच्या बांधकाम साहित्याची चोरी |
एकास मारहाण केल्याप्रकरणी पाच जणांवर गुन्हा |
सातार्यातून युवक बेपत्ता |
नागठाण्यात युवकाची आत्महत्या |
उदयनराजे यांना मतदान करून गादीचा सन्मान ठेवा |
जपानचे स्लिम लँडर तिसऱ्यांदा जागृत |
कोल्हापुरातील अंबाबाईच्या रथोत्सव |
छत्रपतींच्या वंशजांना जावळीचा स्वाभिमान सांगू नका |
माझ्याकडे विरोधकांच्या अनेक भानगडी |