खूप अवघड असतं
बाई होऊन जगणं
बाई पणाच्या जाणिवा जपत
समाजात वावरण
स्त्री मग ती कोणत्याही रुपात असो आई, ताई, बायको, आजी, बहीण, मुलगी,... अशा कोणत्याही रुपात ती प्रेम, माया, सहनशीलता, कणखरता अशा संमिश्र भावनांचा मिलाफ घेऊन ती येते आणि जगते. लहानपणी भाऊ जेव्हा हातात बॅट घेऊन क्रिकेट खेळतो तेव्हा ती कुठंतरी कोपर्यात भातुकली मांडून बसलेली असते. स्वप्नात रमते, स्वतःच्याच जगात मनसोक्त बागडते. फुलपाखरांचे पंख घेऊन हळूहळू मोठी होते. कॉलेजात जायला लागली की, स्वतः बद्दल जास्तच जागरूक होते. आई बापाच्या घरी लाडात वाढलेली कळी सासरचा उंबरठा ओलांडून गृहप्रवेश करते तेव्हाच ती संसाराचे धागे विणायला घेते. घरदार, नातीगोती, नवरा, मुलं सगळ्यांचं करता करता स्वतः लाच विसरते. सगळ्यांनी पसारा करायचा आणि हिन एकटीन तो आवरायचा, सावरण्याच, आवरण्याच बाळकडू जणू आईच्या पोटातूनच शिकून येते.
आई म्हणून जगते, बायको म्हणून जगते, मुलगी बनते, बहीण बनते, प्रेयसी बनून साथ देते. सगळ्या आघाड्यांवर एकटीच धडपडत असते. प्रत्येकाच्या मनासारखं करण्याचा प्रयत्न करते. सगळ्यांसाठी जगता जगता स्त्री म्हणून जगायलाच विसरते. पाण्याने कोणत्याही रंगाशी एकरूप व्हाव तशी पटकन रंगात रंगून जाते.
पण बाई ग तुझा रंग कोणता?
‘चूल आणि मूल’ इतकचं मर्यादित कार्यक्षेत्र न ठेवता घरच्या जबाबदार्या पेलून तू बाहेर पडतेस. ऑफिसमध्ये, नोकरीवर, दुकानात, कधी पोलिस, कधी उच्च पदस्थ अधिकारी तर कधी कंपनीची बॉस बनून सक्षमपणे उभी राहतेस. ऑफिसमधला रुबाब घरी आल्यावर घराच्या बाहेर ठेवतेस आणि पुन्हा घरच्या रंगात रंगून राबायला तयार होतेस. धावत्या लोकलमध्येही भाजी निवडतेस, लसूण सोलतेस, दुसर्या दिवशीची तयारी आजच करून ठेवतेस सगळीकडे तूच खपतेस. पण खरं खरं सांग, बाई ग तुझा रंग कसा?
इतकं सारं करूनही काही चूक झाली की सवाल जबाब तुलाच, आरोपीच्या पिंजर्यात तूच नेहमी उभी, सगळं खापर तुझ्याच माथी. खर खर सांग मग हीच का ग तुझी मायेची नाती?
इथं कुणीच कुणाचं नसतं. म्हणूनच आता दुसर्यांच्या रंगात रंगण सोडून दे. तुला आवडणारा, तुझ्या काळजाशी नाळ जोडणारा रंग शोध आणि बाई ग तुझ्याच रंगात तू आता थोड तरी रंगून बघ. सगळ्यांचं करता करता स्वतः चा रंग विसरून गेलीस तो जरा आठवून बघ. आता आयुष्याच्या कोणत्याही टप्प्यावर असशील पण जे करायचं राहून गेलं, जे जगायचं राहून गेलं ते आता तरी जगून बघ. मैत्रिणी जमवं, फिरायला जा, गप्पा मार, लिहिती हो, बोलती हो, घरामध्ये एखाद्या दिवशी छान गाणी नाचून त्याच्या तालावर छान डोलून बघ, तुझ्या हसण्यान घरातलं आभाळ पुन्हा एकदा भरून जाऊ दे. आनंदाच्या सरीत तुझ्या मनाला चिंब होऊ दे. स्वतःसाठी जग. सगळ्यांचे लाड केलेस आता जरा स्वतःचे लाड करून बघ.
तू कशीही असू दे, कुणी काही म्हणू दे पण तुझ्यासाठी तू खास आहेस हे लक्षात घे.
I am the best and unic
हा विचार मनात रुजव अन् स्वतः च्याच रंगात रंगायला तयार हो.
कुणी तुला मान देईल, कौतुक करेल, यासाठी महिला दिनाची वाट बघू नकोस. तुझा दिवस कोणता ते तूच ठरव. इथून पुढच्या आयुष्यात प्रत्येक दिवस तुझाच असेल यासाठी प्रयत्न कर. तुला खाली खेचणारे, त्रास देणारे हात भलेही तुझ्या जवळचे असतील, त्या त्रासाचा, त्या विरोधाचा सकारात्मक विचार कर. स्वतः ला त्रास करून न घेता, भावनांच्या जंजाळात न अडकता स्वतःला विकसित करण्याचा प्रयत्न कर. प्रत्येक अनुभवातून नवा सकारात्मक दृष्टिकोन घेऊन खंबीरपणे उभी रहा. तुझा प्रत्येक दिवस ही विधात्याकडून तुला मिळालेला बोनस आहे, असं समजून तो आनंदात घालवं.
तुझं अस्तित्व काय हे कुणी दुसर्यांनी ठरवण्यापेक्षा तुझं तू ते ठरव. तुझं कर्तृत्व जितकं मोठं तितकं अस्तित्वही मोठं होऊ दे. दुसर्यांच्या पाऊलखुणा वरून कशाला चालायचं. तुझ्या अशा पाऊलखुणा या मातीत उमटू दे की तुझ्या नंतर हजारोंना त्या दिशेने जाण्याची प्रेरणा मिळेल.
तुझ्या आवडीचा रंग कोणता का असेना पण माझे बाय तो रंग तू अचूक निवड अन् मस्त त्या रंगात रंगून जा.
रंगात रंगूनी सार्या
रंग माझा वेगळा
मनी तुझ्या नित्य घडू दे
आनंदाचा सोहळा
शब्दांकन: सौ.आराधना गुरव वडूज
संकलन: प्रकाश राजेघाटगे, बुध
सैनिकांच्या कल्याणासाठी शासन कटिबध्द : पालकमंत्री शंभूराज देसाई |
आर्टिस्टिक सिंगल योगासन प्रकारामध्ये कु.सुभाषी शिंदे हिला रौप्य पदक |
रामकृष्ण सेवा मंडळातर्फे मंगळवारी शालेय साहित्य वाटप |
बिबटयाचा अधिवास पाटण तालुक्यात मोठया प्रमाणात |
सोन्या-चांदीच्या दागिन्यांसह मोबाईलची चोरी |
राहत्या घरातून युवती बेपत्ता |
नाल्यात पडल्याने एकाचा मृत्यू |
कैलास स्मशानभूमी पाण्याखाली |
फलोत्पादन, पुष्पोत्पादन, दुग्धोत्पादन पुरस्कारास मान्यता |
सातारा जिल्ह्यातील सातशे कुटुंबाचे सुरक्षित स्थलांतर |
पालकमंत्री शंभूराज देसाई यांनी घेतला अतिवृष्टीचा आढावा |
सातारा जिल्ह्यात जोरदार पाऊस |
विकास सेवा सोसायटीच्या माध्यमातून शेतकऱ्यांची उन्नती होईल |
सरस्वती विद्यामंदिर कराड येथे गुरुपौर्णिमा उत्सव अतिशय आनंदात साजरा |
भुजंग खंदारे महावितरणच्या पुणे प्रादेशिक संचालकपदी रुजू |
राहत्या घरातून युवती बेपत्ता |
नाल्यात पडल्याने एकाचा मृत्यू |
कैलास स्मशानभूमी पाण्याखाली |
फलोत्पादन, पुष्पोत्पादन, दुग्धोत्पादन पुरस्कारास मान्यता |
सातारा जिल्ह्यातील सातशे कुटुंबाचे सुरक्षित स्थलांतर |
पालकमंत्री शंभूराज देसाई यांनी घेतला अतिवृष्टीचा आढावा |
सातारा जिल्ह्यात जोरदार पाऊस |
विकास सेवा सोसायटीच्या माध्यमातून शेतकऱ्यांची उन्नती होईल |
सरस्वती विद्यामंदिर कराड येथे गुरुपौर्णिमा उत्सव अतिशय आनंदात साजरा |
भुजंग खंदारे महावितरणच्या पुणे प्रादेशिक संचालकपदी रुजू |
बंदुकीने गोळ्या घालण्याची कुटुंबाला धमकी |
मोबाईल चोरणारी अल्पवयीन टोळी जेरबंद |
सैदापूर येथून एकजण बेपत्ता |
सार्वजनिक बांधकाम विभागाला टाळे ठोकणार |
मुसळधार पावसामुळे सातार्यात दरड कोसळण्याच्या घटनांमध्ये वाढ |