ऑस्ट्रेलिया : भारताची स्टार टेनिसपटू सानिया मिर्झा हीने निवृत्त होण्याबाबत घोषणा केली आहे. २०२२ चा हंगाम हा अंतिम असेल, अशी माहिती सानियाने दिली आहे. सानिया मिर्झा सध्या ऑस्ट्रेलियन ओपन स्पर्धेत खेळत आहे.
बुधवार (19 जानेवारी) रोजी सानिया ऑस्ट्रेलियन ओपन स्पर्धेत सहभागी झाल्यानंतर महिला दुहेरीत खेळली. यावेळी तिला पराभव पत्करावा लागला. या पराभवानंतर सानियाने, 'आपण यावर्षीचा हंगाम खेळल्यानंतर निवृत्त होणार' असल्याचे म्हटले आहे. याचाच अर्थ २०२२ हे वर्ष सानियाचे टेनिस कोर्टवरील अखेरचे वर्ष असणार आहे. 

ऑस्ट्रेलियन ओपन स्पर्धेत सानिया तिची सहकारी किचेनोकसह महिला दुहेरीत सहभागी झाली होती. मात्र, यावेळी तिला हार पत्करावी लागली. सामना संपल्यानंतर माध्यमांसोबत बोलताना सानिया म्हणाली की, "वर्षाच्या सुरुवातीलाच मला याबाबत खात्री होती की हा हंगाम अथवा डिसेंबर महिना हा माझा टेनिस कोर्टवरील शेवटचा हंगाम असेल. मला हेही माहिती नाही की मी संपू्र्ण सिझन खेळू शकते की नाही"

सानियाची कामिगरी

सानियाचा समावेश भारताच्या स्टार टेनिसपटूंमध्ये होतो. देशातील कित्येक युवा टेनिसपटूंसाठी सानिया ही एक आदर्श आहे. तिने आजवर 6 ग्रँडस्लॅम जिंकले आहेत. यात 3 दुहेरी आणि 3 एकेरी आहेत.