02:54pm | May 22, 2022 |
लोणंद : नुकत्याच झालेल्या लोणंद नगर पंचायत निवडणूकीत प्रभाग क्रमांक ११ मध्ये चुरशीच्या लढतीत मा. ग्रां. प.सदस्य व लोणंद शिवसेना नेते विश्वास अण्णा शिरतोडे व भरत बोडरे यांना समान मतदान होवून चिठ्ठीवर भरत बोडरे विजयी झाले होते. परंतु या निवडणुकीवेळी दाखल केलेल्या शपथपत्रात केवळ दोनच अपत्य असल्याचे नमूद करून भरत बोडरे यांनी मतदारांची व शासनाची दिशाभूल करून फसवणूक केल्याची तक्रार प्रतिस्पर्धी उमेदवार विश्वास अण्णा शिरतोडे यांनी लोणंद पोलिस स्टेशनला दाखल केली आहे.
प्राप्त माहितीनुसार, भरत बोडरे हे लोणंद नगर पंचायत निवडणूक २०२२ मध्ये चिठ्ठीवर विजयी झाले होते. राज्य निवडणूक आयोगाच्या परिपत्रकानुसार १२ सप्टेंबर २००१ नंतर जन्मलेले तिसरे अपत्य असल्यास स्थानिक स्वराज्य संस्थेची निवडणूक लढविता येत नाही व या संदर्भात खोटे शपथपत्र दिल्यास फौजदारी गुन्हा दाखल होऊन उमेदवार अपात्र ठरविला जातो. याची माहिती असतानाही भरत बोडरे यांनी समाधान भरत बोडारे जन्म दिनांक ०३/०६/२००३ व संदीप भरत बोडरे जन्म दिनांक २९/०९/२००४ एवढ्याच दोन मुलांची माहिती निवडणूक अर्जासोबत दाखल शपथ पत्रात निवडणूक अधिकारी यांना दिली होती. या खोट्या शपथ पत्राचे आधारे निवडणूक लढविण्यास पात्र होऊन समान मतदानामुळे चिठ्ठीवर विजयी झाले होते. परंतु नंतर प्रतिस्पर्धी उमेदवार विश्वास शिरतोडे यांनी माहिती अधिकार कायद्याचा वापर करून भरत बोडरे यांचा तिसरा मुलगा अक्षय भरत बोडरे जन्म दिनांक ३०/११/२००५ याचा ग्राम पंचायत केंजळ येथील जन्म मृत्यू रजिस्टर मधील नोंदणी क्रमांक २ अन्वये दिनांक १८/१०/२०१२ रोजी नोंद असलेला जन्माचा दाखला मिळविला. यानुसार भरत बोडरे यांनी दाखल केलेले शपथपात्र खोटे असल्याचं निदर्शनास आले.
केवळ निवडणुकीकरिता स्वतःचे अपत्य नाकारण्याचा घृणास्पद प्रकार लोणंद नगर पंचायत निवडणुकीसंदर्भात झालेल्या तक्रारीने उघडकीस आला आहे. त्यामुळे भरत बोडरे यांच्यावर खोटेशपथ पत्र दाखल केल्याप्रकरणी भा. द. वि.१९९, २००, २०२, २०३, ४२०, ४६८, ४७० प्रमाणे फौजदारी गुन्हा दाखल करण्याची मागणी विश्वास शिरतोडे यांनी गृह राज्य मंत्री शंभूराजे देसाई, जिल्हाधिकारी सातारा, जिल्हा पोलीस अधिक्षक सातारा, स.पो. नि.लोणंद पोलिस ठाणे यांच्याकडे तक्रारी द्वारे केल्याने लोणंद राष्ट्रवादीच्या गोटात खळबळ उडाली आहे. यानंतर होणाऱ्या कारवाईकडे सर्वांच्या नजरा लागल्या आहेत.
एकास मारहाण केल्याप्रकरणी पाच जणांवर गुन्हा |
सातार्यातून युवक बेपत्ता |
नागठाण्यात युवकाची आत्महत्या |
उदयनराजे यांना मतदान करून गादीचा सन्मान ठेवा |
जपानचे स्लिम लँडर तिसऱ्यांदा जागृत |
कोल्हापुरातील अंबाबाईच्या रथोत्सव |
छत्रपतींच्या वंशजांना जावळीचा स्वाभिमान सांगू नका |
माझ्याकडे विरोधकांच्या अनेक भानगडी |
महाभकास आघाडीला निवडणुकीत जागा दाखवा |
साताऱ्यात मेघगर्जनेसह बरसल्या पावसाच्या सरी |
जनता बँकेत पुर्नगठीत बोर्ड ऑफ मॅनेजमेंटच्या चेअरमनपदी विनोद कुलकर्णी |
बोंडारवाडीसह धरणांची कामे मार्गी लावणार उदयनराजेंचे आश्वासन |
दलित महासंघ,पॅंथरचा उदयनराजेंना जाहीर पाठींबा |
सातारकरांना बाहेरच्यांनी स्वाभिमान शिकवू नये |
साताऱ्यात कोट्यावधीची कामे हीच आपली जमेची बाजू |
कोल्हापुरातील अंबाबाईच्या रथोत्सव |
छत्रपतींच्या वंशजांना जावळीचा स्वाभिमान सांगू नका |
माझ्याकडे विरोधकांच्या अनेक भानगडी |
महाभकास आघाडीला निवडणुकीत जागा दाखवा |
साताऱ्यात मेघगर्जनेसह बरसल्या पावसाच्या सरी |
जनता बँकेत पुर्नगठीत बोर्ड ऑफ मॅनेजमेंटच्या चेअरमनपदी विनोद कुलकर्णी |
बोंडारवाडीसह धरणांची कामे मार्गी लावणार उदयनराजेंचे आश्वासन |
दलित महासंघ,पॅंथरचा उदयनराजेंना जाहीर पाठींबा |
सातारकरांना बाहेरच्यांनी स्वाभिमान शिकवू नये |
साताऱ्यात कोट्यावधीची कामे हीच आपली जमेची बाजू |
जुगार प्रकरणी एकावर कारवाई |
नोकरीच्या अमिषाने सुमारे पावणे सहा लाखांची फसवणूक |
शहरातील दोन वेगवेगळ्या घटनांमध्ये दोनजण बेपत्ता |
विवाहितेला आत्महत्येस प्रवृत्त केल्याप्रकरणी पती विरुध्द गुन्हा |
शाहूनगर येथे घरफोडी |