सातारा : नोकरीच्या अमिषाने सुमारे पावणे सहा लाखांची फसवणूक केल्याप्रकरणी अज्ञातावर सातारा शहर पोलिस ठाण्यात गुन्हा दाखल करण्यात आला आहे.

याबाबत पोलिसांनी दिलेली माहिती अशी, लिपीक पदाची पर्मनंट नोकरी लावतो, असे सांगून ऑनलाईन व रोख अशी एकूण 5 लाख 73 हजार रुपये घेवून फसवणूक केल्याप्रकरणी अज्ञातावर सातारा शहर पोलिस ठाण्यात तक्रार दाखल झाली आहे. याप्रकरणी शैलेंद्र राजेंद्र नायकवडी (वय 33, रा. सदरबझार) यांनी तक्रार दिली आहे. ही घटना दि. 29 सप्टेबर 2023 ते 20 मार्च 2024 या कालावधीत वेळोवेळी घडली आहे. ऑनलाईन 2 लाख 47 हजार रुपये व 3 लाख 26 हजार रुपये रोख दिले असल्याचे तक्रारीत म्हटले आहे.