सातारा : जिल्ह्यात बुधवारी 94 जण बाधित निष्पन्न झाले असून 3 बाधितांचा उपचारादरम्यान मृत्यू झाला आहे. तसेच जिल्ह्यातील 67 नागरिकांना डिस्चार्ज देण्यात आला आहे. दरम्यान, 322 जणांचे नमुने तपासणीसाठी पाठविण्यात आले असल्याची माहिती जिल्हा शल्यचिकित्सक डॉ. सुभाष चव्हाण यांनी दिली.
बुधवारी जिल्ह्यात 94 बाधित निष्पन्न झाल्याने जिल्ह्यातील कोरोनाबाधितांची संख्या 57 हजार 765 वर पोहोचली आहे. तसेच 3 बाधितांचा उपचारादरम्यान मृत्यू झाल्याने जिल्ह्यातील कोरोनाबळींची संख्या 1 हजार 843 वर पोहोचली आहे. दरम्यान, जिल्ह्यातील विविध रुग्णालये, कोरोना केअर सेंटर, डिसीएचसी व सीसीसीमध्ये उपचार घेत असलेल्या 67 नागरिकांना कोरोनातून बरे झाल्याने घरी सोडण्यात आल्याने जिल्ह्यातील कोरोनामुक्तांची संख्या 54 हजार 915 वर पोहोचली असून 322 जणांचे नमुने तपासणीसाठी पाठविण्यात आले असल्याची माहिती जिल्हा शल्यचिकित्सक डॉ. सुभाष चव्हाण यांनी दिली.
3 बाधितांचा मृत्यू
स्व. क्रांतीसिंह नाना पाटील सर्वसाधारण रुग्णालय, सातारा येथे दहिवडी ता. माण येथील 57 वर्षीय पुरुष, जिल्ह्यातील विविध खासगी हॉस्पीटलमध्ये संगमनगर ता. सातारा येथील 62 वर्षीय पुरुष, गणेश सोसायटी ता. सातारा येथील 75 वर्षी पुरुष अशा एकूण 3 बाधितांचा उपचारादरम्यान मृत्यू झाला असल्याचेही डॉ. चव्हाण यांनी कळविले आहे.
322 जणांचे नमुने पाठविले तपासणीला
जिल्हा  रुग्णालय सातारा येथील 15,कराड येथील 20, फलटण येथील 24, कोरेगाव येथील 15, वाई येथील 45,खंडाळा येथील 14, रायगाव येथील 78, पानमळेवाडी येथील 8, महाबळेश्वर येथील 30, दहिवडी येथील 29,म्हसवड येथील 8, व कृष्णा मेडीकल कॉलेज कराड येथील 36 असे एकुण 322 जणांचे नमुने तपासणीला पाठविण्यात आले आहे, अशी माहितीही जिल्हा शल्यचिकित्सक डॉ. सुभाष चव्हाण यांनी दिली.