पुणे : लोकसभा निवडणूक आचारसंहिता लागू असल्याने रोख रक्कम जवळ बाळगण्यास निर्बंध आहेत. असे असतानाही एक व्यक्ती ३ लाख ८० हजार रुपये घेऊन जात होता. याची माहिती मिळताच स्थिर सर्वेक्षण पथकाने सोमवारी (दि. २२) दुपारी शनिवार वाड्यासमोर त्याची रोख रक्कम जप्त केली.

या रोख रकमेबाबत योग्य स्पष्टीकरण न दिल्याने ही कारवाई करण्यात आली. ही रक्कम जिल्हा कोषागार कार्यालयात जमा केल्याची माहिती सहायक निवडणूक निर्णय अधिकारी स्नेहा देवकाते यांनी दिली.