01:51am | Dec 13, 2018 |
वरकुटे-मलवडी : महाराष्ट्राला दिशा देणारे दुरदर्शी नेतृत्व शरद पवार साहेबांच्या रुपात लाभलं हे आपलं भाग्य आहे. त्यांच्या वाढदिवसानिमित्त दुष्काळग्रस्त गरजू व गुणवंत विद्यार्थ्यांची इयत्ता पाचवी व इयत्ता आठवीची शिष्यवृत्ती परीक्षेची फी भरणे व सरावसंच देण्याचा निर्णय आम्ही घेतला असे प्रतिपादन माजी सनदी अधिकारी प्रभाकर देशमुख यांनी केले.माण पंचायत समितीच्या बचत भवनात आयोजित कार्यक्रमात ते बोलत होते.
श्री देशमुख पुढे म्हणाले की, नेतृत्व, शिस्त, वेळेचे नियोजन, संवेदनशिलता, गरीब-गरजूंना मदत करण्याची वृत्ती असे विविध गुण शरद पवार यांच्याकडून घेण्यासारखे आहेत. यापुढील काळात देशाचं नेतृत्व करण्याची संधी शरद पवार यांना मिळावी हीच ईश्वरचरणी प्रार्थना. माणमध्ये शिष्यवृत्तीतील यशाची उज्वल परंपरा आहे. दुष्काळी परिस्थितीमुळे त्यात खंड पडायला नको म्हणून आम्ही हा उपक्रम घेतला. सध्याच्या बिकट परिस्थितीत सर्वांनी दुष्काळग्रस्तांच्या मागे खंबीरपणे उभे राहावे असे आवाहन त्यांनी केले.
माण विधानसभा मतदारसंघाचे राष्ट्रवादीचे अध्यक्ष डाॅ. संदीप पोळ म्हणाले की शरद पवार यांचे आयुष्य म्हणजे एक मार्गदर्शक पुस्तक आहे. त्यांनी माढा मतदारसंघाचे नेतृत्व केले ही आपल्यासाठी अभिमानाची गोष्ट आहे. त्यांच्या वाढदिवसानिमित्त ड्रीम सोशल फाऊंडेशनने आयोजित केलेला उपक्रम स्तुत्य आहे.
जिल्हा परिषदचे माजी अध्यक्ष सुभाष नरळे म्हणाले की माणमधील विद्यार्थ्यांना शैक्षणिक मदत करुन सामाजिक बांधिलकी जपली आहे. शिक्षक करत असलेल्या प्रयत्नांना विद्यार्थ्यांची साथ मिळाल्यामुळे माणमधील मुले स्पर्धा परीक्षेत चमकत आहे. या सर्व प्रयत्नांना मदत मिळावी म्हणून दुष्काळी परिस्थितीत ड्रीम सोशल फाऊंडेशन तर्फे करण्यात आलेली मदत लाख मोलाची आहे.
सभापती रमेश पाटोळे यांनी या आगळ्यावेगळ्या उपक्रमाबद्दल प्रभाकर देशमुख व ड्रीम सोशल फाऊंडेशनचे माण पंचायत समितीच्या व शिक्षण विभागाच्यावतीने आभार मानले.
यावेळी 338 विद्यार्थ्यांची फी देण्यात आली व सर्व शाळांना सरावसंचांचे वाटप करण्यात आले. सदर कार्यक्रमास ड्रीम सोशल फाऊंडेशनच्या मार्गदर्शिका अनुराधा देशमुख, सिध्दनाथ पतसंस्थेचे चेअरमन सुनिल पोळ, बाजार समितीचे चेअरमन जाधव, माण राष्ट्रवादीचे अध्यक्ष बाळासाहेब सावंत, तानाजी मगर, रमेश शिंदे, बाळासाहेब शिंदे, विनय पोळ, नितीन सावंत, राजेंद्र खाडे, अमोल काटकर, सुरेंद्र मोरे,रमेश गायकवाड,बालाजी जगदाळे, प्रशांत विरकर आदी मान्यवर उपस्थित होते.
सहाय्यक गट विकास अधिकारी भरत चौगले यांनी प्रास्ताविक केले. हणमंत जगदाळे यांनी सुत्रसंचालन केले तर रमेश शिंदे यांनी आभार मानले.
सैनिकांच्या कल्याणासाठी शासन कटिबध्द : पालकमंत्री शंभूराज देसाई |
आर्टिस्टिक सिंगल योगासन प्रकारामध्ये कु.सुभाषी शिंदे हिला रौप्य पदक |
रामकृष्ण सेवा मंडळातर्फे मंगळवारी शालेय साहित्य वाटप |
बिबटयाचा अधिवास पाटण तालुक्यात मोठया प्रमाणात |
सोन्या-चांदीच्या दागिन्यांसह मोबाईलची चोरी |
राहत्या घरातून युवती बेपत्ता |
नाल्यात पडल्याने एकाचा मृत्यू |
कैलास स्मशानभूमी पाण्याखाली |
फलोत्पादन, पुष्पोत्पादन, दुग्धोत्पादन पुरस्कारास मान्यता |
सातारा जिल्ह्यातील सातशे कुटुंबाचे सुरक्षित स्थलांतर |
पालकमंत्री शंभूराज देसाई यांनी घेतला अतिवृष्टीचा आढावा |
सातारा जिल्ह्यात जोरदार पाऊस |
विकास सेवा सोसायटीच्या माध्यमातून शेतकऱ्यांची उन्नती होईल |
सरस्वती विद्यामंदिर कराड येथे गुरुपौर्णिमा उत्सव अतिशय आनंदात साजरा |
भुजंग खंदारे महावितरणच्या पुणे प्रादेशिक संचालकपदी रुजू |
राहत्या घरातून युवती बेपत्ता |
नाल्यात पडल्याने एकाचा मृत्यू |
कैलास स्मशानभूमी पाण्याखाली |
फलोत्पादन, पुष्पोत्पादन, दुग्धोत्पादन पुरस्कारास मान्यता |
सातारा जिल्ह्यातील सातशे कुटुंबाचे सुरक्षित स्थलांतर |
पालकमंत्री शंभूराज देसाई यांनी घेतला अतिवृष्टीचा आढावा |
सातारा जिल्ह्यात जोरदार पाऊस |
विकास सेवा सोसायटीच्या माध्यमातून शेतकऱ्यांची उन्नती होईल |
सरस्वती विद्यामंदिर कराड येथे गुरुपौर्णिमा उत्सव अतिशय आनंदात साजरा |
भुजंग खंदारे महावितरणच्या पुणे प्रादेशिक संचालकपदी रुजू |
बंदुकीने गोळ्या घालण्याची कुटुंबाला धमकी |
मोबाईल चोरणारी अल्पवयीन टोळी जेरबंद |
सैदापूर येथून एकजण बेपत्ता |
सार्वजनिक बांधकाम विभागाला टाळे ठोकणार |
मुसळधार पावसामुळे सातार्यात दरड कोसळण्याच्या घटनांमध्ये वाढ |