सातारा : फलटण, ता. फलटण येथील गुन्हेगार अभिजीत बाळासाहेब जानकर याला आज दोन वर्षाकरिता सातारा जिल्ह्यासह बारामती, पुरंदर तालुका आणि सोलापूर येथून हद्दपार करण्यात आल्याचा आदेश जिल्हा पोलीस अधीक्षक तथा प्राधिकरण अजयकुमार बन्सल यांनी रविवारी रात्री उशिरा पारित केला.
याबाबत फलटण शहर पोलीस ठाण्यातून दिलेली माहिती अशी, अभिजीत बाळासाहेब जानकर, रा. शुक्रवार पेठ, फलटण, ता. फलटण याच्या विरोधात फलटण शहर पोलीस ठाण्यात विविध गुन्हे दाखल आहेत. त्याच्या विरोधात दाखल असलेल्या गुन्ह्यांची आणि कागदपत्रांची छाननी केली असता त्याला हद्दपार करण्यासाठी पुरेसे पुरावे उपलब्ध झाले. त्यामुळे फलटण उपविभागीय पोलीस अधिकारी यांनी त्याला सातारा जिल्हा, पुणे जिल्ह्यातील बारामती, पुरंदर तालुका व सोलापूर जिल्ह्यातील माळशिरस तालुक्यातून दोन वर्षाकरिता हद्दपार का करू नये? अशी नोटीस दि. १८ एप्रिल २०२२ रोजी बजावली होती. पोलिसांनी केलेल्या चौकशीत असे निष्पन्न झाले की, फलटण शहर पोलीस ठाण्यात त्याच्यावर काही गुन्हे दाखल असून एक प्रकरण न्यायालयात प्रलंबित आहे. जानकर हा फलटण शहरामध्ये शरीराविरुद्धचे गुन्हे करून कायदा व सुव्यवस्था बिघडवत असल्याचे दिसून आले. त्याच्या दहशतीमुळे अनेक लोक गुन्हे दाखल करत नाहीत अथवा तडजोड करतात, असे स्पष्ट झाले होते. राजकीय आकसापोटी त्याने मारहाण केल्याच्या घटनाही पोलिस ठाण्यात नमूद आहेत. शिवीगाळ, दमदाटी करणे, हप्त्यांची मागणी करणे असे अनेक गुन्हे त्याच्या नावावर आहेत.
त्याच्या दबाव व दहशतीमुळे लोकांमध्ये भीतीचे व असुरक्षितपणाचे वातावरण निर्माण झाल्याचे स्पष्ट होते. भविष्यात सुद्धा जानकर हा शरीराविरुद्धचे गुन्हे करण्याची दाट शक्यता असल्याने फलटण शहर पोलीस ठाण्याच्यावतीने त्याला हद्दपार करण्याचा प्रस्ताव पोलीस अधीक्षक तथा प्राधिकरण अजयकुमार बन्सल यांच्याकडे पाठवला होता. त्या प्रस्तावाला अजयकुमार बन्सल यांनी रविवारी रात्री उशिरा मंजुरी दिली असून अभिजीत बाळासाहेब जानकर याला सातारा जिल्हा, पुणे जिल्ह्यातील बारामती, पुरंदर तालुका व सोलापूर जिल्ह्यातील माळशिरस तालुक्यातून दोन वर्षासाठी हद्दपार केल्याचा आदेश पारित केला आहे. नियमानुसार या आदेशावर तात्काळ अंमलबजावणी करण्याचे निर्देश देण्यात आले आहेत.
सैनिकांच्या कल्याणासाठी शासन कटिबध्द : पालकमंत्री शंभूराज देसाई |
आर्टिस्टिक सिंगल योगासन प्रकारामध्ये कु.सुभाषी शिंदे हिला रौप्य पदक |
रामकृष्ण सेवा मंडळातर्फे मंगळवारी शालेय साहित्य वाटप |
बिबटयाचा अधिवास पाटण तालुक्यात मोठया प्रमाणात |
सोन्या-चांदीच्या दागिन्यांसह मोबाईलची चोरी |
राहत्या घरातून युवती बेपत्ता |
नाल्यात पडल्याने एकाचा मृत्यू |
कैलास स्मशानभूमी पाण्याखाली |
फलोत्पादन, पुष्पोत्पादन, दुग्धोत्पादन पुरस्कारास मान्यता |
सातारा जिल्ह्यातील सातशे कुटुंबाचे सुरक्षित स्थलांतर |
पालकमंत्री शंभूराज देसाई यांनी घेतला अतिवृष्टीचा आढावा |
सातारा जिल्ह्यात जोरदार पाऊस |
विकास सेवा सोसायटीच्या माध्यमातून शेतकऱ्यांची उन्नती होईल |
सरस्वती विद्यामंदिर कराड येथे गुरुपौर्णिमा उत्सव अतिशय आनंदात साजरा |
भुजंग खंदारे महावितरणच्या पुणे प्रादेशिक संचालकपदी रुजू |
राहत्या घरातून युवती बेपत्ता |
नाल्यात पडल्याने एकाचा मृत्यू |
कैलास स्मशानभूमी पाण्याखाली |
फलोत्पादन, पुष्पोत्पादन, दुग्धोत्पादन पुरस्कारास मान्यता |
सातारा जिल्ह्यातील सातशे कुटुंबाचे सुरक्षित स्थलांतर |
पालकमंत्री शंभूराज देसाई यांनी घेतला अतिवृष्टीचा आढावा |
सातारा जिल्ह्यात जोरदार पाऊस |
विकास सेवा सोसायटीच्या माध्यमातून शेतकऱ्यांची उन्नती होईल |
सरस्वती विद्यामंदिर कराड येथे गुरुपौर्णिमा उत्सव अतिशय आनंदात साजरा |
भुजंग खंदारे महावितरणच्या पुणे प्रादेशिक संचालकपदी रुजू |
बंदुकीने गोळ्या घालण्याची कुटुंबाला धमकी |
मोबाईल चोरणारी अल्पवयीन टोळी जेरबंद |
सैदापूर येथून एकजण बेपत्ता |
सार्वजनिक बांधकाम विभागाला टाळे ठोकणार |
मुसळधार पावसामुळे सातार्यात दरड कोसळण्याच्या घटनांमध्ये वाढ |