08:12pm | Nov 17, 2023 |
सातारा : सातारा शहरातील वाहतूक कोंडी कमी करण्यासाठी सातारा शहर वाहतूक विभाग व सातारा नगरपालिका यांच्या संयुक्त विद्यमाने शुक्रवारी पोवई नाका ते सेव्हन स्टार सिनेमा यादरम्यान अतिक्रमण हटाव मोहीम राबवण्यात आली.
तहसीलदार कार्यालयाच्या भिंती लगत असणाऱ्या विक्रेत्यांचे फुटपाथपुढे आलेली शेडची अतिक्रमणे काढून टाकण्यात आली. यावेळी पोलीस बंदोबस्त तैनात करण्यात आला होता. कारवाई दरम्यान विक्रेते व नगरपालिका कर्मचारी यांच्यामध्ये काही काळ शाब्दिक बाचाबाची झाली.
सातारा शहरातील वाहतूक कोंडी कमी करण्यासाठी ग्रेड सेपरेटरची योजना करण्यात आली आहे. तरीसुद्धा सातारा एसटी स्टँड परिसरातून बाहेर पडणाऱ्या एसटी तसेच तहसीलदार ऑफिसच्या दारामध्ये अरुंद झालेला रस्ता यामुळे रविवार पेठेतील जुन्या मशिदी समोरील रस्त्यावर वाहतुकीची प्रचंड कोंडी होत आहे. वाहतूक विभागाला येथे वाहतूक नियमन करणे प्रचंड जड जात आहे. त्यामुळे वाहतूक विभागाचे पोलीस निरीक्षक अभिजीत यादव यांनी यासंदर्भात सातारा पालिकेशी पत्रव्यवहार केला होता.
त्यानुसार वाहतूक विभागाचे पथक व सातारा पालिकेचे अतिक्रमण हटाव पथक यांनी संयुक्तरीत्या सकाळी साडेदहा वाजल्यापासून सातारा एसटी स्टँड ते पोवई नाका यादरम्यान कारवाईला सुरुवात केली. तहसीलदार ऑफिसच्या भिंतीलगत स्टॉल धारकांनी फुटपाथपासून पुढे तीन-तीन फुटाचे शेड, फलक, बांबूच्या कमानी अशी अतिक्रमणे केली होती. ती सर्व अतिक्रमणे सुमारे अडीच तासाच्या कारवाईमध्ये काढून टाकण्यात आली. यावेळी काही विक्रेत्यांनी विरोध करण्याचा प्रयत्न केला असता पोलिसांनी त्यांना कारवाईचा सज्जड इशारा दिल्यानंतर विरोध मावळला. पुढे या मोहिमेत स्वतःहून विक्रेत्यांनी काही अतिक्रमणे काढून घेतली. त्यामुळे दुपारनंतर येथील वाहतूक प्रक्रियेमध्ये अत्यंत सुलभता आली.
यापुढे फुटपाथवर अथवा फुटपाथच्या लगत अतिक्रमण केल्यास टपरी जप्त करण्यात येईल, असा इशारा सातारा पालिका प्रशासनाच्या वतीने देण्यात आला आहे. या कारवाईमध्ये वाहतूक विभाग व सातारा पालिकेचे कर्मचारी अशा 49 जणांनी सहभाग घेतला होता. कारवाई सुरू असताना काही काळ वाहतुकीची कोंडी झाली. मात्र पोलिसांनी वाहतुकीचे नियमन करत वाहने पुढे मार्गस्थ केली.
सैनिकांच्या कल्याणासाठी शासन कटिबध्द : पालकमंत्री शंभूराज देसाई |
आर्टिस्टिक सिंगल योगासन प्रकारामध्ये कु.सुभाषी शिंदे हिला रौप्य पदक |
रामकृष्ण सेवा मंडळातर्फे मंगळवारी शालेय साहित्य वाटप |
बिबटयाचा अधिवास पाटण तालुक्यात मोठया प्रमाणात |
सोन्या-चांदीच्या दागिन्यांसह मोबाईलची चोरी |
राहत्या घरातून युवती बेपत्ता |
नाल्यात पडल्याने एकाचा मृत्यू |
कैलास स्मशानभूमी पाण्याखाली |
फलोत्पादन, पुष्पोत्पादन, दुग्धोत्पादन पुरस्कारास मान्यता |
सातारा जिल्ह्यातील सातशे कुटुंबाचे सुरक्षित स्थलांतर |
पालकमंत्री शंभूराज देसाई यांनी घेतला अतिवृष्टीचा आढावा |
सातारा जिल्ह्यात जोरदार पाऊस |
विकास सेवा सोसायटीच्या माध्यमातून शेतकऱ्यांची उन्नती होईल |
सरस्वती विद्यामंदिर कराड येथे गुरुपौर्णिमा उत्सव अतिशय आनंदात साजरा |
भुजंग खंदारे महावितरणच्या पुणे प्रादेशिक संचालकपदी रुजू |
राहत्या घरातून युवती बेपत्ता |
नाल्यात पडल्याने एकाचा मृत्यू |
कैलास स्मशानभूमी पाण्याखाली |
फलोत्पादन, पुष्पोत्पादन, दुग्धोत्पादन पुरस्कारास मान्यता |
सातारा जिल्ह्यातील सातशे कुटुंबाचे सुरक्षित स्थलांतर |
पालकमंत्री शंभूराज देसाई यांनी घेतला अतिवृष्टीचा आढावा |
सातारा जिल्ह्यात जोरदार पाऊस |
विकास सेवा सोसायटीच्या माध्यमातून शेतकऱ्यांची उन्नती होईल |
सरस्वती विद्यामंदिर कराड येथे गुरुपौर्णिमा उत्सव अतिशय आनंदात साजरा |
भुजंग खंदारे महावितरणच्या पुणे प्रादेशिक संचालकपदी रुजू |
बंदुकीने गोळ्या घालण्याची कुटुंबाला धमकी |
मोबाईल चोरणारी अल्पवयीन टोळी जेरबंद |
सैदापूर येथून एकजण बेपत्ता |
सार्वजनिक बांधकाम विभागाला टाळे ठोकणार |
मुसळधार पावसामुळे सातार्यात दरड कोसळण्याच्या घटनांमध्ये वाढ |