08:05pm | Feb 03, 2023 |
उंब्रज : अजूनही प्रामाणिकपणा, माणुसकीचा झरा वाहत आहे. एका बाजुला फसवणुकीच्या अनेक घटना घडतात तर दुसरीकडे सामान्यांकडून लाखोंचे ऐवज परत केले जातात. अशा लोकांमुळे प्रामाणिकपणा जिवंत आहे. कराड तालुक्यातील उंब्रज येथील आपले गांव हॉटेल मालकांचा प्रामाणिकपणा समोर आला असून जेवण करुन गेलेल्या प्रवासी वाहन धारक ग्राहकाचे विसरलेले चौदा तोळे सोन्याचे सुमारे ७ लाखाचे दागिने उंब्रज पोलीस ठाण्यात प्रामाणिकपणे जमा केले आहेत. या घटनेमुळे माणुसकी आणि प्रामाणिकपणा टिकून असल्याचे पुन्हा एकदा सिद्ध झाले आहे.
पुणे - बंगळूर राष्ट्रीय महामार्गावर शिवडे, ता. कराड गावच्या हद्दीत आपलं गांव मनपसंद फुडमॉल या हॉटेलमध्ये जेवण करण्यासाठी थांबलेल्या एका कुटुंबाची ७ लाख रुपये किंमतीचे सोन्याचे दागिने असलेली पिशवी हॉटेल मालक यांनी तात्काळ पोलिस अधिकारी यांच्याशी संपर्क साधून संबंधित कुटुंबियांच्या स्वाधीन केल्याने कुटुंबियांनी हॉटेल मालक यांच्या प्रामाणिकपणाबद्दल आभार मानले आहेत.
त्याचे झाले असे, गुरवारी रात्री दहा वाजण्याच्या सुमारास गोव्याहून मुंबईकडे निघालेले एक कुटूंब जेवण करण्यासाठी शिवडे हद्दीतील आपलं गांव मनपसंद फुडमॉल हॉटेल या ठिकाणी थांबले होते. जेवण करुन ते कुटुंब त्यांच्या गाडीने निघुन गेले. काही वेळाने ग्राहक कमी झाल्यानंतर एका टेबलला एक पिशवी विसरली असल्याचे हॉटेल मालकांच्या लक्षात आले.
हॉटेल मालक विजयसिंह जाधव, दिलीपराव पाटील, बाळासाहेब ढवळे व अर्जुन कोळी यांनी ती पिशवी हॉटेलमध्ये त्यावेळी असणाऱ्या ग्राहकांकडे चौकशी केली असता प्रतिसाद मिळाला नाही. या पिशवीमध्ये सोन्याचा नेकलेस, चार पाटल्या, दोन अंगठया असा ऐवज असल्याने हॉटेल मालक यांनी तात्काळ दागिन्यांची बॅग उंब्रज पोलीस स्टेशनला जमा केली.
उंब्रज पोलीस स्टेशनचे सहाय्यक पोलीस निरीक्षक अजय गोरड यांच्या मार्गदशनाखाली उंब्रज पोलीस स्टेशनचे पोलीस उपनिरीक्षक अनिल पाटील, पोलिस हवालदार दिपक जाधव, सचिन देशमुख, कराड शहर पोलीस ठाण्याचे राजेंद्र देशमुख, महिला पोलीस चव्हाण यांनी पिशवी मालकांचा शोध घेवून त्यांना उंब्रज पोलीस ठाण्यात बोलावून त्या पिशवीतील वस्तूंची ओळख पटवून पिशवीचे मालक अशफान अयाज मुलाणी, त्यांची पत्नी शर्मिन मुलाणी रा. चेंबुर, मुंबई यांच्या ताब्यात दागिन्याची पिशवी सुपूर्द केली. सुमारे सात लाख रुपये किंमतीचे दागिने असलेली पिशवी प्रामाणिकपणे परत केल्याबद्दल हॉटेल मालक विजयसिंह जाधव, दिलीपराव पाटील, बाळासाहेब ढवळे व अर्जुन कोळी यांच्यासह पोलिस टीमचे विविध स्तरातून अभिनंदन होत आहे.
सैनिकांच्या कल्याणासाठी शासन कटिबध्द : पालकमंत्री शंभूराज देसाई |
आर्टिस्टिक सिंगल योगासन प्रकारामध्ये कु.सुभाषी शिंदे हिला रौप्य पदक |
रामकृष्ण सेवा मंडळातर्फे मंगळवारी शालेय साहित्य वाटप |
बिबटयाचा अधिवास पाटण तालुक्यात मोठया प्रमाणात |
सोन्या-चांदीच्या दागिन्यांसह मोबाईलची चोरी |
राहत्या घरातून युवती बेपत्ता |
नाल्यात पडल्याने एकाचा मृत्यू |
कैलास स्मशानभूमी पाण्याखाली |
फलोत्पादन, पुष्पोत्पादन, दुग्धोत्पादन पुरस्कारास मान्यता |
सातारा जिल्ह्यातील सातशे कुटुंबाचे सुरक्षित स्थलांतर |
पालकमंत्री शंभूराज देसाई यांनी घेतला अतिवृष्टीचा आढावा |
सातारा जिल्ह्यात जोरदार पाऊस |
विकास सेवा सोसायटीच्या माध्यमातून शेतकऱ्यांची उन्नती होईल |
सरस्वती विद्यामंदिर कराड येथे गुरुपौर्णिमा उत्सव अतिशय आनंदात साजरा |
भुजंग खंदारे महावितरणच्या पुणे प्रादेशिक संचालकपदी रुजू |
राहत्या घरातून युवती बेपत्ता |
नाल्यात पडल्याने एकाचा मृत्यू |
कैलास स्मशानभूमी पाण्याखाली |
फलोत्पादन, पुष्पोत्पादन, दुग्धोत्पादन पुरस्कारास मान्यता |
सातारा जिल्ह्यातील सातशे कुटुंबाचे सुरक्षित स्थलांतर |
पालकमंत्री शंभूराज देसाई यांनी घेतला अतिवृष्टीचा आढावा |
सातारा जिल्ह्यात जोरदार पाऊस |
विकास सेवा सोसायटीच्या माध्यमातून शेतकऱ्यांची उन्नती होईल |
सरस्वती विद्यामंदिर कराड येथे गुरुपौर्णिमा उत्सव अतिशय आनंदात साजरा |
भुजंग खंदारे महावितरणच्या पुणे प्रादेशिक संचालकपदी रुजू |
बंदुकीने गोळ्या घालण्याची कुटुंबाला धमकी |
मोबाईल चोरणारी अल्पवयीन टोळी जेरबंद |
सैदापूर येथून एकजण बेपत्ता |
सार्वजनिक बांधकाम विभागाला टाळे ठोकणार |
मुसळधार पावसामुळे सातार्यात दरड कोसळण्याच्या घटनांमध्ये वाढ |