सातारा : तरुणास मारहाण केल्याप्रकरणी एकाविरोधात सातारा शहर पोलीस ठाण्यात गुन्हा दाखल करण्यात आला आहे.
याबाबत पोलिसांनी दिलेली माहिती अशी, सदरबझार परिसरातून कामावर जात असताना गौतम जयवंत कांबळे (वय 35, रा. भीमाबाई आंबेडकरनगर) यांना अडवून जुन्या वादातून मारहाण करण्यात आली. याप्रकरणी कांबळे यांनी सातारा शहर पोलीस ठाण्यात तक्रार दिली आहे. त्यानुसार सुधाकर कांबळे (पूर्ण नाव समजू शकले नाही, रा. लक्ष्मीटेकडी) याच्याविरुद्ध गुन्हा दाखल करण्यात आला. महिला कर्मचारी पोतेकर तपास करीत आहेत.