सातारा : सातारा तालुक्यातील 39 वर्षीय विवाहिता घरातून बेपत्ता झाली आहे. कुटुंबीयांकडून नातेवाईक व परिचितांकडे शोध घेऊनही तिचा ठावठिकाणा लागला नसल्याने सातारा तालुका पोलिस ठाण्यात तक्रार दाखल करण्यात आली.
ही महिला घरातून कोणालाही काहीही न सांगता निघून गेल्याचे तक्रारीत नमूद आहे. बराच शोध घेऊनही त्या आढळून न आल्याने महिलेच्या पतीने पोलिसांकडे धाव घेतली. अज्ञात व्यक्तीने त्यांचे अपहरण केले असावे, असा संशय तक्रारीत व्यक्त करण्यात आला आहे.
याप्रकरणी अज्ञाताविरोधात सातारा तालुका पोलीस ठाण्यात गुन्हा नोंद झाला असून सहायक फौजदार सी. बी. माने तपास करीत आहेत.