सातारा : गोडोलीतील कामाठीपुरा परिसरात घरासमोर येऊन एका महिलेचा विनयभंग तसेच मारहाण केल्याप्रकरणी महिलेने सातारा शहर पोलीस ठाण्यात तक्रार दिली असून, अजीम अल्लाउद्दीन मुलाणी (रा. कामाठीपुरा, गोडोली) याच्याविरुद्ध गुन्हा दाखल करण्यात आला आहे.

पोलिसांच्या माहितीनुसार, आरोपी रात्री फिर्यादीच्या घरासमोर आला. त्याने महिलेच्या वडिलांबाबत आक्षेपार्ह वक्तव्य करत कुटुंबीयांना धमकी दिली. त्यानंतर महिलेशी असभ्य वर्तन करीत विनयभंग केल्याचा आरोप आहे. तसेच महिला व तिच्या भावाला शिवीगाळ करून मारहाण केल्याचेही तक्रारीत म्हटले आहे. पुढील तपास पोलीस हवालदार मोरे करीत आहेत.