सातारा : एमआयडीसीतील माने कॉलनी परिसरात घरासमोर लावलेली दुचाकी अज्ञात चोरट्याने चोरून नेल्याची घटना उघडकीस आली आहे. याप्रकरणी सातारा शहर पोलीस ठाण्यात गुन्हा दाखल करण्यात आला आहे.

माने कॉलनीतील प्लॉट क्रमांक 5 येथे 16 रोजी रात्री साडेअकरा ते 17 रोजी सकाळी सात या कालावधीत ही चोरी झाली. स्वाती दीपक माने (वय 39) यांनी याबाबत फिर्याद दिली. घरासमोर पार्क केलेली मोटारसायकल अज्ञात व्यक्तीने लंपास केल्याचे त्यांनी तक्रारीत म्हटले आहे.

याप्रकरणी अज्ञात चोरट्याविरोधात गुन्हा दाखल करण्यात आला असून, पुढील तपास महिला पोलीस हवालदार माने करीत आहेत.