सातारा : अपघातात एकाच जखमी केल्याप्रकरणी कार चालकाविरोधात सातारा शहर पोलीस ठाण्यात गुन्हा दाखल करण्यात आला आहे. 

याबाबत पोलिसांनी दिलेली माहिती अशी, दि. 8 रोजी सकाळी साडेअकरा वाजण्याच्या सुमारास पोवई नाका ते गोडोली नाका रस्त्यावर अक्षयकुमार अनिल साळुंखे (रा. नागठाणे, ता. सातारा) याने त्यांच्या ताब्यातील ईरटीका कारने राहुल मधुकर माने चालवीत असलेल्या दुचाकीला धडक देऊन अपघात केला. या अपघातात माने जखमी झाले आहेत. याबाबतची फिर्याद सातारा शहर पोलीस ठाण्यात नोंदविण्यात आली असून पुढील तपास पोलीस हवालदार कारळे करीत आहेत.