सातारा : तडीपार आदेशाचे उल्लंघन करून लोखंडी हत्यारासह शाहूपुरी परिसरात वावरल्या प्रकरणी एकावर शाहूपुरी पोलीस ठाण्यात गुन्हा दाखल करण्यात आला आहे.

याबाबत पोलिसांनी दिलेली माहिती अशी, स्मितेश उर्फ सागर दिलीप उंबरकर (रा. सैदापूर, सातारा) याला सातारा जिल्ह्यातून हद्दपार केले असताना तो लोखंडी हत्यारासह आझाद नगर, मोळाचा ओढा परिसरात वावरताना आढळून आला. याबाबतची फिर्याद संग्राम शशिकांत फडतरे यांनी शाहूपुरी पोलीस ठाण्यात नोंदवली असून पुढील तपास महिला पोलीस हवालदार शिंदे करीत आहेत.