सातारा : सातार्‍यातील मंगळवार पेठ परिसरातील कस्तुरी पार्क येथे राहणार्‍या विकास सुनील शिंदे (वय 33) यांचा बेशुद्ध अवस्थेत रुग्णालयात दाखल केल्यानंतर उपचारादरम्यान त्यांचा मृत्यू झाल्याची नोंद शाहूपुरी पोलिस ठाण्यात करण्यात आली आहे.

याबाबत पोलिसांनी दिलेली माहिती अशी, रविवारी त्यांना बेशुद्ध अवस्थेत सातार्‍यातील खासगी रुग्णालयात आणण्यात आले होते. त्यांच्यावर उपचार सुरु केल्यानंतर डॉक्टरांनी त्यांना मृत घोषित केले. या घटनेची आकस्मिक मृत्यू म्हणून नोंद करण्यात आली असून पुढील तपास हवालदार डमकले करीत आहेत.