सातारा : चोरीचा प्रयत्न करणाऱ्या परप्रांतीय दांम्पत्यावर सातारा शहर पोलीस ठाण्यात गुन्हा दाखल करण्यात आला आहे. 

याबाबत पोलिसांनी दिलेली माहिती अशी, दि. ८ रोजी अनिश प्रदीप बर्गे (रा. भाकरवाडी, ता. कोरेगाव, जि. सातारा) हे वाकड ते सातारा असा अशोक लेलँडच्या विना नोंदणीकृत बस मधून प्रवास करीत होते. तेव्हा त्यांनी लॅपटॉप, चार्जर, पॉवर बँक व कागदपत्रे असणारी त्यांची सॅक बसमधील सामान ठेवण्याच्या रॅकमध्ये ठेवली होती.

मात्र प्रवासादरम्यान इंद्रराज प्रभू लोधी आणि सवितादेवी इंद्रराज लोधी दोन्ही (रा. अंबी, पोस्ट लतीफपूर-सुखपूर, जि. फतेहपूर, उत्तर प्रदेश) या दांम्पत्याने त्यांची सॅक चोरण्याचा प्रयत्न केला. याप्रकरणी संबंधितांविरोधात सातारा शहर पोलीस ठाण्यात गुन्हा दाखल करण्यात आला असून पुढील तपास पोलीस हवालदार देशमुख करीत आहेत.