सातारा : जुन्या वादातून एकास मारहाण केल्याप्रकरणी दोन जणांविरोधात सातारा शहर पोलीस ठाण्यात गुन्हा दाखल करण्यात आला आहे.

याबाबत पोलिसांनी दिलेली माहिती अशी, दि. १ रोजी दुपारी तीन ते साडेतीन वाजण्याच्या सुमारास सचिन वंजारी (रा. गुरुवार पेठ, सातारा) यांना जुन्या वादाच्या कारणातून प्रीतम उर्फ प्रतीक उर्फ बंटी सोमनाथ साळुंखे, मानव नवनाथ जाधव दोन्ही (रा. राजसपुरा पेठ, सातारा) यांनी वंजारी यांना त्यांच्या राहत्या घरासमोरून जबरदस्तीने मोटरसायकल वरून आंबेदरे परिसरात नेऊन त्या ठिकाणी कोयता व लाकडी दांडक्याने मारहाण केली आहे. याबाबतची फिर्याद सातारा शहर पोलीस ठाण्यात नोंदविण्यात आली असून पुढील तपास पोलीस उपनिरीक्षक पाटोळे करीत आहेत.