सातारा : वाढे ता. सातारा येथे पाळीव कुत्र्याच्या कारणावरून झालेल्या वादाचे हाणामारीत रूपांतर झाले. शंकर कदम यांच्या फिर्यादीनुसार, दिनकर, तेजस व तुषार जाधव यांनी मारहाण केली. तर तेजस जाधव यांच्या फिर्यादीनुसार, शंकर व आशिष कदम यांनी मारहाण करून दिनकर व तुषार यांना दुखापत केली. दोन्ही बाजूंच्या तक्रारींवरून सातारा तालुका पोलीस ठाण्यात परस्पर गुन्हे दाखल झाले असून तपास सुरू आहे.