सातारा : हॉलमार्क असलेल्या पिवळ्या धातूच्या बांगड्या खऱ्या सोन्याच्या असल्याचा बनाव करून सराफाची फसवणूक केल्याप्रकरणी सातारा शहर पोलीस ठाण्यात दोघांविरुद्ध गुन्हा दाखल करण्यात आला आहे.

देगाव रोडवरील लक्ष्मी ज्वेलर्स येथे २५ जून रोजी ही घटना घडली. पल्लवी धनाजी जाधव हिने सचिन सावंत यांच्या सांगण्यावरून दोन बांगड्या मोडीसाठी आणल्या. त्या सोन्याच्या असल्याचे भासवून फसवणूक करण्याचा प्रयत्न केल्याचा आरोप आहे.

याप्रकरणी सराफ उल्केश हणमंत काटकर यांनी दिलेल्या फिर्यादीवरून पल्लवी धनाजी जाधव व सचिन सावंत (रा. सह्याद्री हिल, कोडोली, सातारा) यांच्याविरुद्ध गुन्हा दाखल करण्यात आला असून पुढील तपास पोलीस हवालदार पाटोळे करीत आहेत.