सातारा : महिलेचा विनयभंग केल्याप्रकरणी एका विरोधात बोरगाव पोलीस ठाण्यात गुन्हा दाखल करण्यात आला आहे.

याबाबत पोलिसांनी दिलेली माहिती अशी, दि. 9 ते 15 जून दरम्यान सातारा तालुक्यातील एका गावात राहणाऱ्या महिलेला वारंवार फोन करून, त्यांचा पाठलाग करून अश्लील भाषेत बोलल्याप्रकरणी संतोष महादेव माने (रा. काशीळ, ता. सातारा) यांच्या विरोधात बोरगाव पोलीस ठाण्यात गुन्हा दाखल करण्यात आला आहे. पुढील तपास पोलीस हवालदार चव्हाण करीत आहेत.