सातारा : खेड परिसरात चेनस्नॅचिंगची घटना घडली असून अज्ञातांविरोधात सातारा शहर पोलीस ठाण्यात गुन्हा दाखल करण्यात आला आहे.

याबाबत पोलिसांनी दिलेली माहिती अशी, खेड परिसरात कांता माने या दुचाकीवर बसून घरी जाण्याच्या तयारीत असताना भरधाव दुचाकीवरून आलेल्या दोन चोरट्यांनी त्यांच्या गळ्यातील 14 ग्रॅम वजनाचे सोन्याचे मिनीगंठण हिसकावून नेले. घटनेनंतर पोलिसांनी शोधमोहीम राबविली मात्र आरोपींचा माग काढता आलेला नाही. सातारा शहर पोलीस ठाण्यात जबरी चोरीचा गुन्हा दाखल असून पोलीस उपनिरीक्षक सावंजी तपास करत आहेत.