सातारा : सदरबझारमध्ये झालेल्या घरफोडीत चोरट्यांनी साडेपाच तोळ्यांचे सोन्याचे दागिने लंपास केल्याची नोंद सातारा शहर पोलीस ठाण्यात करण्यात आली आहे. 

याबाबत पोलिसांनी दिलेली माहिती अशी, सौरभ सुधाकर चिखलीकर (रा.सदरबझार, सातारा० हे काही कामानिमित्त कराड येथे घर बंद करून गेले असता दि. 24 रोजी मध्यरात्रीच्या सुमारास अज्ञात चोरट्यांनी घराचा कडी कोंडा तोडून घरातील दोन लाख रुपये किमतीचे साडेपाच तोळे वजनाचे सोन्याचे दागिने आणि एक चांदीचे कॉइन असा मुद्देमाल चोरून नेला आहे. याबाबतची नोंद सातारा शहर पोलीस ठाण्यात करण्यात आली असून पुढील तपास पोलीस उपनिरीक्षक सावंजी करीत आहेत.