सातारा : महिंद्रा शोरूमच्या पार्किंगमधून अज्ञात चोरट्याने होंडा शाईन दुचाकी चोरी केल्याची घटना उघडकीस आली आहे. बॉम्बे रेस्टॉरंट पुलाजवळ पार्किंगमध्ये लावलेली ही दुचाकी दिवसभरात लंपास करण्यात आली.

दि. १० रोजी सकाळी साडेसात ते रात्री साडेनऊ या कालावधीत ही चोरी घडली आहे. चोरीस गेलेली दुचाकी होंडा शाईन (एम.एच ११ सीसी ८६२९) राखाडी रंगाची असून त्यावर निळे व पांढरे पट्टे आहेत. संबंधित वाहन हे १२ हजार रुपये किमतीचे असल्याची नोंद आहे.

याप्रकरणी अजित विलास सावंत (वय ४५, रा. खोकडवाडी, पो. कोडोली, ता. जि. सातारा) यांनी तक्रार दिली असून अज्ञात चोरट्याविरोधात गुन्हा दाखल करण्यात आला आहे. पुढील तपास पोलीस हवालदार चव्हाण करीत आहेत.