सातारा : महिलेला मारहाण केल्याप्रकरणी तीनजणांविरोधात सातारा तालुका पोलीस ठाण्यात गुन्हा दाखल करण्यात आला आहे. याबाबत पोलिसांनी दिलेली माहिती अशी, नागेवाडी, ता. सातारा येथे अंगणात स्वच्छता करणे, बांधकाम करण्यावरुन वाद झाला. यात तिघांकडून महिलेला मारहाण करण्यात आली. हा प्रकार दि. 10 रोजी घडला. सातारा तालुका पोलीस ठाण्यात जयश्री दिलीप सावंत (वय 52, रा. नागेवाडी) यांनी फिर्याद दिली असून, मनिषा जयवंत सावंत, जयवंत किसान सावंत, प्रथमेश जयवंत सावंत (रा. नागेवाडी) यांच्यावर गुन्हा दाखल झाला आहे. पोलीस हवालदार गायकवाड तपास करत आहेत.