खंडाळा : पोलीस असल्याचे सांगून वृद्धेची फसवणूक केल्याप्रकरणी दोन भामट्यांविरोधात खंडाळा पोलीस ठाण्यात गुन्हा दाखल करण्यात आला आहे. याबाबत पोलिसांनी दिलेली माहिती अशी, खंडाळा येथे राया हॉटेलच्या पाठीमागे 75 वर्षीय वृद्धेला आधार देण्याचा बहाणा करत पोलीस असल्याचे सांगून दुचाकीवरून आलेल्या दोघा अज्ञातांनी पाच तोळ्यांच्या सोन्याच्या बांगड्या घेऊन पोबारा केला. दि. 22 रोजी सकाळी आठच्या सुमारास ही घटना घडली. पद्मिनी रामकृष्ण लोखंडे (वय 75, रा. खंडाळा) यांनी फिर्याद दिली. खंडाळा पोलीस ठाण्यात नोंद झाली आहे.