भारत आणि ऑस्ट्रिलिया यांच्यात पाच सामन्यांच्या कसोटी मालिकेतील चौथा सामना मेलबर्नमध्ये खेळवण्यात आला. या सामन्यात ऑस्ट्रेलियाने टीम इंडियाचा 184 धावांनी पराभव केला. टीम इंडियाच्या या पराभवानंतर मुख्य प्रशिक्षक गौतम गंभीर चांगलाच संतापल्याचे समोर आले. 

चौथ्या कसोटीतील पराभवानंतर आता पुरे झाले..., असं म्हणत गौतम गंभीरने भारतीय खेळाडूंना फटकारले. तसेच गंभीरने वरिष्ठ खेळाडूंवरही नाराजी व्यक्त केली आहे. याशिवाय टीम इंडियाच्या ड्रेसिंग रुममधील वातावरणही चांगले नसल्याचंही समोर आलं आहे. ठरलेल्या योजनांचे अनुसरण करण्याऐवजी खेळाडू स्वत:च्या इच्छेनुसार वागत असल्याचे गौतम गंभीरने ड्रेसिंग रुममधील बैठकीत सांगितले. तसेच आतापासून रणनीती न पाळल्यास त्यांना 'धन्यवाद असे म्हटले जाईल, असा इशाराही गंभीरने भारतीय खेळाडूंना दिला आहे.

गंभीर प्रशिक्षक झाल्यानंतर भारताची कामगिरी घसरली

गंभीरच्या कोचिंगमध्ये भारतीय संघाची कामगिरी चांगली झालेली नाही. बांगलादेशविरुद्धचे दोन कसोटी सामने जिंकल्यानंतर भारताला न्यूझीलंडकडून 3-0 असा पराभव पत्करावा लागला. श्रीलंकेविरुद्ध 27 वर्षात पहिल्यांदाच द्विपक्षीय एकदिवसीय सामन्यांची मालिका गमावली. 10 वर्षांनी भारताने एकाच बॉर्डर- गावसकर चषक कसोटी मालिकेत दोन सामने गमावले. मेलबोर्न क्रिकेट ग्राउंडवर (एमसीजी) भारताने 13 वर्षांनी कसोटी पराभव पत्करला. 8 वर्षांनी भारताने एमसीजी येथे आंतरराष्ट्रीय क्रिकेट सामना गमावला. एकूणच, गंभीर प्रशिक्षक झाल्यानंतर भारताची कामगिरी घसरली आहे.

ऑस्ट्रेलियाविरुद्धच्या चौथ्या कसोटी सामन्यात भारताचा पराभव-

दरम्यान, भारत आणि ऑस्ट्रेलिया यांच्यातील बॉर्डर-गावसकर ट्रॉफीचा चौथा सामना मेलबर्न क्रिकेट ग्राउंडवर खेळला गेला. या सामन्यात टीम इंडियाला पराभवाचा सामना करावा लागला. ऑस्ट्रेलियाने टीम इंडियावर 184 धावांनी मोठा विजय मिळवला. यासह ऑस्ट्रेलियाने पाच सामन्यांच्या कसोटी मालिकेत 2-1 अशी आघाडी घेतली आहे. आता मालिकेतील पाचवा आणि शेवटचा सामना 3 जानेवारीपासून खेळवण्यात येणार आहे.

2025 मध्ये टीम इंडियाचे संपूर्ण वेळापत्रक:

भारत विरुद्ध ऑस्ट्रेलिया: जानेवारी 2025 (एक कसोटी)

भारत विरुद्ध इंग्लंड: जानेवारी-फेब्रुवारी 2025 (3 वनडे आणि 5 टी-20)

ICC चॅम्पियन्स ट्रॉफी: फेब्रुवारी-मार्च 2025

IPL 2025: मार्च-मे 2025

भारत विरुद्ध इंग्लंड: जून-ऑगस्ट 2025 (5 कसोटी)

भारत विरुद्ध बांगलादेश: ऑगस्ट 2025 (3 वनडे आणि 3 टी-20)

आशिया कप: सप्टेंबर 2025

भारत विरुद्ध वेस्ट इंडिज: ऑक्टोबर (2 कसोटी)

भारत विरुद्ध ऑस्ट्रेलिया: ऑक्टोबर-नोव्हेंबर 2025 (3 वनडे आणि 5 टी-20)

भारत विरुद्ध दक्षिण आफ्रिका: ऑक्टोबर-नोव्हेंबर (2 कसोटी, 3 एकदिवसीय आणि 5 टी-20)

भारत विरुद्ध न्यूझीलंड: जानेवारी-फेब्रुवारी 2026 (3 एकदिवसीय आणि 5 टी-20)

T20 विश्वचषक: फेब्रुवारी-मार्च 2026

आयपीएल 2026: मार्च-मे 2026

भारत विरुद्ध अफगाणिस्तान: जून 2026 (1 कसोटी आणि 3 वनडे)

भारत विरुद्ध इंग्लंड: जुलै 2026 (3 वनडे आणि 5 टी-20)

भारत विरुद्ध श्रीलंका: ऑगस्ट 2026 (2 कसोटी)

भारत विरुद्ध अफगाणिस्तान: सप्टेंबर 2026 (तिसरा टी-20)

भारत विरुद्ध वेस्ट इंडिज: सप्टेंबर-ऑक्टोबर 2026 (3 वनडे आणि 5 टी-20)

भारत विरुद्ध न्यूझीलंड: ऑक्टोबर-नोव्हेंबर 2026 (2 कसोटी, 3 एकदिवसीय आणि 5 टी-20)

भारत विरुद्ध श्रीलंका: डिसेंबर 2026 (3 वनडे आणि 3 टी-20)

भारत विरुद्ध ऑस्ट्रेलिया: जानेवारी 2027 (5 कसोटी)