सातारा :  येथील बोगदा चौकात अपघातात एकास जखमी करून, त्याला मारहाण आणि शिवीगाळ केल्याप्रकरणी तीन जणांवर शाहूपुरी पोलीस ठाण्यात गुन्हा नोंदवण्यात आला आहे. याबाबत माहिती अशी, मंगेश सावंत हे मंगळवारी (दि. 14) सकाळी 10.30 च्या सुमारास बोगदा चौकातून दुचाकीवरून जात असताना, समोरून आलेल्या दुचाकीची (एमएच-11-7918) सावंत यांच्या दुचाकीला धडक बसली. या दुचाकीच्या चालकाने मद्यपान केले होते. तो ट्रिपल सीट होता. या अपघातात सावंत हे जखमी झाले. अपघातानंतर तिघांनी सावंत यांना शिवीगाळ व मारहाण केली. याबाबत सावंत यांनी तक्रार दिली असून हवालदार भिंगारदेवे तपास करत आहेत.