सातारा : विकासनगर (ता. सातारा) येथे भाड्याने रहावयास असणाऱ्या कुटूंबातील विवाहितेच्या मृत्यूप्रकरणी तिच्या सासरच्या मंडळींविरुध्द हुंडाबळी व घातपातप्रकरणी पुळकोटी (ता. माण, जि. सातारा) येथील चौघांविरुध्द सातारा शहर पोलिसांत गुन्हा दाखल झाला आहे. राजकुमार, सासू सुनंदा लालासो कांबळे, मामे बहिण सानिक बनसोडे व अविवाहीत नणंद (सर्व रा. पुळकोटी, ता. माण) यांच्याविरुध्द याप्रकरणी गुन्हा दाखल झाला आहे. 

संजय मोटे (रा. पांढरेवाडी, ता. आटपाडी, जि. सांगली) यांनी याबाबत पोलिसांत तक्रार दिली आहे. फिर्यादीची मुलगी भाग्यश्री मोटे हिचा ३० मार्च रोजी राजकुमार कांबळे याच्यासोबत लग्न झाले होते. तेव्हापासून सासरकडील मंडळी पाच लाख रुपये हुंडा व सोन्याचे दागिने दिले नाहीत म्हणून मुलीचा छळ करीत होते तसेच त्यातूनच त्यांनी आपल्या मुलीला त्रास देऊन तिचा घातपात केला असल्याचे तक्रारीत म्हटले आहे. पो. कॉ. तारडे हे या घटनेचा अधिक तपास करत आहेत.