अभिनेता फरहान अख्तरच्या ‘१२० बहादूर’ या चित्रपटाचा टीझर प्रदर्शित झाला आहे. चित्रपटात फरहान परमवीर चक्राने सन्मानित मेजर शैतान सिंग भाटी यांची भूमिका साकारत आहे. चित्रपटाच्या टीझरमध्ये भारतीय सैनिकांच्या शौर्याची झलक पाहायला मिळाली आहे. ‘१२० बहादूर’ या चित्रपटाची अनेक दिवसापासून चर्चा सुरु होती आता चित्रपटाचा टीझर पाहून चाहते चित्रपटाच्या ट्रेलर पाहण्यासाठी उत्सुक आहेत. झोया अख्तरनेही तिच्या इन्स्टाग्राम हा टीझर शेअर केला आहे. तिने कॅप्शनमध्ये असेही लिहिले की ‘हा गणवेश केवळ धैर्यच नाही तर त्याग देखील मागतो’. याशिवाय, तिने माहिती दिली की हा चित्रपट यावर्षी २१ नोव्हेंबर रोजी प्रदर्शित होत आहे.

चित्रपटाच्या टीझरमध्ये काय दाखवण्यात आले?

चित्रपटाच्या टीझरमध्ये १९६२ मध्ये झालेल्या भारत-चीन युद्धादरम्यान १८ नोव्हेंबर रोजी काय घडले ते दाखवण्यात आले आहे. टीझरच्या सुरुवातीला चीनने भारतावर हल्ला करण्याची संपूर्ण योजना आखल्याचे दाखवण्यात आले आहे. तसेच, भारतातील १२० शूर सैनिक पूर्णपणे तयार दिसत आहे. मेजर शैतान सिंगच्या भूमिकेत फरहान अख्तर म्हणतो, ‘हा गणवेश केवळ धैर्याचीच नाही तर त्यागाचीही मागणी करतो. आम्ही मागे हटणार नाही.’ यानंतर, भारतीय सैनिक चीनच्या हल्ल्यांना योग्य उत्तर देतात आणि त्यांच्या देशासाठी लढतात.

‘१२० बहादूर’ ही शौर्याची कहाणी आहे, जी १९६२ च्या भारत-चीन युद्धात रेजांगला आघाडीवर लिहिली गेली होती. केवळ १२० भारतीय सैनिकांनी हजारो चिनी सैनिकांविरुद्ध शौर्याने लढले आणि आपल्या जीवाची पर्वा न करता देशाचे रक्षण केले. मेजर शैतान सिंग भाटी यांच्या नेतृत्वाखाली लढलेली ही लढाई अजूनही भारतीय सैन्याच्या इतिहासात सुवर्णाक्षरांनी नोंदवली जाते.

हा चित्रपट वास्तववादी बनवण्यासाठी सर्वतोपरी प्रयत्न केले जात आहेत, असे चित्रपटाशी संबंधित एका सूत्राने सांगितले की, लडाखच्या उंच टेकड्यांवर याचे चित्रीकरण करण्यात आले आहे, जिथे ऑक्सिजनची कमतरता आणि तापमान शून्यापर्यंत पोहोचणे सामान्य आहे. चित्रपटाचा बराचसा भाग १४,००० फूट उंचीवर -१० अंश सेल्सिअस तापमानात चित्रित करण्यात आला आहे.